QOǴAMDYQ QABYLDAÝ: JAŃA QADAMDAR

“Nur Otan” halyqtyq-demo­kratııalyq partııasynyń basshy­lyǵy aımaqtyq jáne jergilikti jerlerdegi halyqtyń tynys-tirshiliginen habardar jáne elmen etene jaqyn bolý maqsatynda birqatar qoǵamdyq qabyldaý bólimderin ashqan bolatyn. Mundaı jumys túri sondaı-aq, bılikte­gi­lerdiń jergilikti jerlerdegi adam­dardyń ótinish-shaǵymdaryn tyń­dap, qordalanǵan problema­laryn sheshýge qolaıly boldy. Kóptegen azamattar ádildik iz­dep talaı memlekettik organdardyń esikterin tozdyryp, talaı basshy­nyń aldyna barady. Aqyry barar jeri qalmaǵan soń “Nur Otan” HDP-nyń qoǵamdyq qabyldaý bólme­sine keledi. Sondyqtan bizder aza­mattarǵa zańdyq, psıhologııalyq demeý turǵydan kómek kórsetýden jalyqqan emespiz. Aryz-shaǵym­dardyń artynda qıly taǵdyr turatynyn bilemiz. Jyl ótken saıyn qoǵamdyq qa­byldaý bólimderine ótinishi aıtyp, kómek surap keletinder sany artý­da. Aıtalyq, 2005 jyly – 4636, 2006 jyly – 7204, 2007 jyly – 31 000, al 2008 jyly 42 700 adam ár túrli jaǵdaımen keldi. 2009 jy­ly partııanyń qoǵamdyq qabyl­daý ból­melerine azamattar tara­py­nan 67 973 ótinish jasaldy. Onyń 32 006-sy – jazbasha. Bul basqa jyl­darmen salystyrǵanda edáýir artyq. Partııanyń ortalyq apparaty qoǵamdyq qabyldaý bólmeleriniń negizgi mindeti – jergilikti jer­lerdegi azamattardy tolǵandyratyn asa mańyzdy problemalardy aı­qyndaý, áleýmettik-ekonomıkalyq máselelerdi baǵalaý. Osy maqsatta engizilgen qoǵamdyq qabyldaý bólmeleriniń kóshpeli tájirıbesi kópshiliktiń kóńilinen shyǵyp, oń kózqarastaryn bildirdi. О́tken jy­ly qoǵamdyq qabyldaý bólimderi jergilikti oryndarǵa 920 ret baı­lanysqa shyǵyp, turǵyndardyń ótinishterin qanaǵattandyrýǵa kúsh-jigerlerin jumsady. Atalǵan qa­byldaý jumystaryna barlyq deń­geıdegi depýtattar men memlekettik organdardyń ókilderi qatysyp, 12 myńnan asa azamattardyń óti­nish-shaǵymdaryn qarady. Olardyń denin turǵyn úımen, jumyspen qamtamasyz etý, jalaqynyń der kezinde berilmeýi sııaqty kókeıkesti máseleler quraıdy. Kóptegen azamattar atqarýshy organdar jumystarynyń sapasyz­dy­ǵynan nemese quqyqtyq saýat­syzdyǵynyń saldarynan da zardap shegip jatady. Ondaıda qoǵamdyq qabyldaý bólim qyzmetkerleri tur­ǵyndarǵa quqyqtyq kómek kórsetip, ótinishterin qanaǵattandyrýǵa mu­ryndyq bolady. Oǵan dálel retinde ótken jyly, túsken aryz-shaǵy­m­nyń 42 paıyzynyń oń sheshimin tapqanyn atap aıtýǵa bolady. Al azamattardyń jıi kóteretin máse­lesi burynǵy jyldardaǵydaı, tur­ǵyn úı jaıy. Aýyzsha jasalǵan ar­yzdyń 22 paıyzy osy salany qam­tıdy. Al 14 paıyzy ákimdikterdiń qu­zyryna jatatyn áleýmettik qamtamasyz etý men sot sheshimine narazylyq máselelerin qamtıdy. Qazirgi ýaqytta ortalyq appa­rattyń basshylyǵy men barlyq deńgeıdegi memlekettik jáne quqyq qorǵaý organdarymen tyǵyz baı­la­nys ornatylǵan. Nátıjesinde, Bas prokýratýra men onyń aımaqtyq qurylymdary, Eńbek jáne halyq­ty áleýmettik qorǵaý mınıstrligi men onyń departamentteri, Jo­ǵar­ǵy Sot janyndaǵy Sot ákimshiligi jónindegi komıteti men sottyń jer­gilikti ákimshilikteri, qarjy po­lısııasy organdary, barlyq deń­geıdegi depýtattar jáne ákimdikter azamattardyń aryz-shaǵymdaryn tekserip, oń sheshim shyǵarý úshin jumysqa belsene ara­lasýda. “Nur Otan” HDP Ortalyq ap­paraty qo­ǵamdyq qabyldaý ból­me­sinde elimizdiń bar­lyq aımaqta­ry­nan ke­letin azamattardy Par­lament Májilisiniń de­pýtattarymen júz­des­tirip otyrý múmkindigi týdy. 2009 jyldyń kes­tesine nazar aý­dar­saq, Májilis depýtat­tary 73 kez­desý ótkizip, 763 adamdy qabyl­da­ǵan. Sonymen qatar, “Nur Otan” halyqtyq-demokratııalyq partııa­sy men Qa­zaqstannyń Advokattar odaǵy ara­synda jasalǵan memo­ran­dýmǵa sáı­kes, Ortalyq apparatta apta­syna eki ret: sársenbi jáne juma kúnderi Advokattar odaǵy ókilderi azamat­tar­dy qabyldaıdy. Olar osy ýa­qytqa deıin 19 qa­byl­daý júrgizip, 104 azamatqa qu­qyq­tyq keńes berdi. Ústimizdegi jyldyń 10 aqpany kúni “Nur Otan” partııasynyń qoǵamdyq qabyldaý bólmelerinde respýblıka boıynsha “Azamattardy biryńǵaı qabyldaý kúni” aksııasy ótti. Aımaqtyq deńgeıdegi aksııaǵa densaýlyq saqtaý, bilim berý, ha­lyq­ty áleýmettik qorǵaý másele­leri boıynsha oblystyq ákimderdiń orynbasarlary, qala ákimderi, barlyq deńgeıdegi depýtattar jáne quqyq qorǵaý organdary basshy­larynyń ókilderi qatysty. Aksııa barysynda azamattardan 1 800 ótinish qabyldanyp, onyń 250-i oń sheshimin tapty. Al 600 ótinish óz quzireti aıasynda qaraý úshin memlekettik jáne quqyq qorǵaý organ­da­ry­na jiberildi. О́ti­nish­tiń 950-ine tıisti tú­sindirýler berildi. Ortalyq appa­rat­tyń Qoǵamdyq qabyl­daý bólmesinde Eńbek jáne halyqty áleý­met­tik qorǵaý vıse-mı­nıstri Núsipova Ásel, osy ve­domstvonyń Ba­qylaý jáne áleý­mettik qorǵaý jónindegi ko­mı­tet tóraǵasynyń or­­ynbasarlary Toq­seıitova Gúlnár men Ospanqulov Tólegen azamattardy jeke má­se­­le­leri boıynsha qabyldady. Qa­byl­daý­da 87 adam boldy, 16 adam­nyń óti­nishteri oń sheshimin tapty, 51 óti­nish qaraý úshin qabyldanyp, olar partııanyń baqylaýyna alyn­dy. Sonymen qatar, 20 adamǵa óti­nishteri boıynsha tıisti túsin­di­rýler berildi. Sondaı-aq, ótken aıdyń so­ńynda “Nur Otan” HDP-nyń Orta­lyq apparatynda partııa Tóraǵa­sy­nyń birinshi orynbasary N.Nyǵ­ma­týlınniń tóraǵalyǵymen orta­lyq memlekettik jáne quqyq qor­ǵaý organdarynyń basshy­la­ry­men 2009 jylda azamattardyń hat­taryn qa­raýdyń nátıjesi boıynsha bas qosý bolyp ótti. Jınalysqa “Nur Otan” partııasynyń jergilik­ti or­yn­dar­daǵy qoǵamdyq qabyldaý ból­me­leriniń meńgerýshileri shaqy­ryl­dy. “Nur Otan” partııasy Tór­aǵ­a­sy­­nyń birinshi orynbasary N.Nyǵ­­ma­týlın jınalǵandarǵa ótken jylda atqarǵan jumys­ta­ryna rahmet aı­typ, azamattardyń jaz­ǵan aryz-shaǵymdaryna memle­ket­tik jáne quqyq qorǵaý organda­rynyń der kezinde, ýaqytynda jaýap berýine basa nazar aýdardy. Bas qosýda ásirese, azamattardyń qor­dalanǵan, kúrdelengen proble­ma­lyq másele­le­rin sheshýge bir adam­daı at salysýǵa, sózbuı­da­lyq­tan ada bolýǵa sha­qyrdy. Jınalǵan basshylar atqar­ǵan jumystary boıynsha nátıjeli jumystaryn da atap ótti. Biz budan ári de halyqtyń prob­lemalaryn retteý júıelerin tıimdi jasaý jónindegi jumystardy belsendi túrde jalǵastyratyn bolamyz. Qoǵamdyq qabyldaý bóliminiń jumysyna “Jas Otan” jastar qanatynyń qatysýy da óz jemisin berýde. Qazirgi ýaqytta tek jastar qozǵalystarynyń belsendilerin ǵana emes barlyq stýdent jastar­dy, ıaǵnı psıhologııalyq jáne zań fakýltetteriniń stýdentterin qo­ǵamdyq qabyldaý jumystaryna qa­tystyrý tájirıbesi qolǵa alynbaq. Qoǵamdyq qabyldaý jumysyna qa­tysqan bolashaq psıholog, zańger­ler halyqpen is áreket etýge, so­ny­men qatar, memlekettik organ­darmen ózara qarym-qatynas ja­saýǵa úı­rener edi. Sondaı-aq, jer­gilikti or­yn­dardaǵy qordalanǵan máseleler­men jiti tanysýǵa múm­kindik alady. Biz jastardy qoǵam­dyq qabyldaý jumystaryna tartýǵa múddelimiz. Sonymen qatar, naýryz aıynan bastap aptasyna bir ret “Nur Otan” HDP Ortalyq apparatynyń qoǵam­dyq qabyldaý bólmesinde mem­le­kettik, quqyq qorǵaý organ­da­rynyń, bank jáne ulttyq kom­panııalardyń basshylary qabyl­daıdy. “Nur Otan” partııasynyń qo­ǵamdyq qabyldaý bólmelerine ha­lyq úlken úmitpen keledi. Bizdiń maqsatymyz el senimin aqtap, qol­dan kelgen barlyq kómekti kórsetý bolsa, biz osy jolda barynsha jan aıamaı eńbek etip kelemiz. Asqar QUMARBAI “Nur Otan” HDP qoǵamdyq qabyldaý bólmesiniń konsýltanty.