Azamattardyń múlki men aqshalaı qarajatyn alý shemasy keńselerdi jaılastyrý, qyzmetkerler shtatyn jınaý jáne kásiporyndardyń jalǵan dırektorlaryn taǵaıyndap, óńirlik ókildikter ashý áreketterimen qurylǵan. Salymshylardyń kóp sanyn tartý úshin qazaqstandyq estrada jáne sport juldyzdarynyń qatysýymen keń jarnamalyq naýqan júrgizgen.
«Whats App» messendjerinde JShS basshylary chat quryp, oǵan barlyq salymshylar kirgen. Atalǵan JShS azamattardan jyljymaly jáne jyljymaıtyn múlikti joǵary quny boıynsha bólip-bólip satyp alǵan, keıinnen 3-5 aı ishinde klıentterge mámile somasynyń bir bóligin tóledi, al osy ýaqytta qabyldanǵan múlikti úshinshi tulǵalarǵa naryqtyq qunynan tómen satqan.
Budan basqa, atalǵan kompanııalar óz klıentterinen depozıt retinde aı saıynǵy somadan 30-dan 40%-ǵa deıin syıaqy tóleýge ýáde bere otyryp, salymdar qabyldaǵan. Barlyq aqshalaı qarajat bas ofıske quıylatyn.
Aǵymdaǵy jyldyń 15 aqpanynda seriktestikterdiń basshylary óz qyzmetin bir ýaqytta toqtatty jáne urlanǵan aqshamen boı tasalaǵan. Sol kúni ár aımaqtardaǵy ishki ister organdaryna azamattardan shaǵym túsip, IIM Tergeý departamentiniń jáne aımaqtyq polısııa departamentteriniń qyzmetkerlerinen jedel-tergeý toby qurylǵan. Búgingi kúni qylmystyq jaýapkershilikke tartý týraly 2 myńnan astam ótinish kelip tústi. Búkil respýblıka boıynsha kompanııa keńselerinde tintý júrgizildi, birlesken qyzmet týraly sharttar, býhgalterlik qujattama, noýtbýkter, orgtehnıkalar, zergerlik jáne basqa da buıymdar alyndy. Alynǵan qujattarǵa qaraǵanda kompanııalar 42 myńnan astam adammen shart jasasqan. Aldyn ala derekter boıynsha keltirilgen shyǵyn mólsheri 5 mıllıard 411 mıllıon teńgege baǵalanady. Atalǵan faktiler boıynsha 190 (alaıaqtyq) jáne 217-bap (qarjy pıramıdasy) negizinde 22 qylmystyq is tirkeldi. 13 adam qamaýǵa alyndy. Qazirgi kezde memleketaralyq izdeýdegi 9 kúdikti anyqtalyp otyr.
ALMATY
