Bul Ázerbaıjan ǵalymdarynyń atalǵan kitaphanalarda saqtalǵan Imameddın Nasımı, Nızamı Gánjaýı jáne Mýhammed Fızýlı qoljazbalaryn zertteýine jol ashady.
Saraevo ýnıversıtetiniń belgili ǵalymdary professor Adnan Kadrıch, doktor Amına Shılıak-Esenkovıch, fılosofııa fakýltetiniń professory Alena Chatovıch, professor doktor Elvır Mýsıch birlesip uly oıshyl Imameddın Nasımıdiń 85 óleńin bosnııa tiline aýdarǵan.
Osy oraıda, túrki áleminin zertteýshi – jýrnalıst Aıda Eıvazly Ázerbaıjan Respýblıkasynyń Bosnııa jáne Gersegovınadaǵy dıplomatııalyq ókildiginiń bastamasymen Saraevo Ýnıversıtetiniń Shyǵystaný ınstıtýtyndaǵy belgili ǵalymdarmen kezdesý ótkizdi.
Kezdesý barysynda atalǵan ýnıversıtettegi Shyǵystaný ınstıtýtynyń dırektory, doktor Adnan Kadrıch ınstıtýttyń sońǵy 70 jylda qol jetkizgen jetistikteri, sondaı-aq Bosnııa men Gersegovınadaǵy Ázirbaıjan dıplomatııalyq ókildigimen yntymaqtastyq týraly baıandady. Alqaly jıynǵa «Osman dáýiriniń tarıhyn zertteý» bóliminiń doktory Aladdın Nýsıch jáne professor Nıhad Dostovıch qatysty. Olar óz kezeginde Osman ımperııasynyń Bosnııa mádenıetine, sot tóreligine jáne eldiń odan ári azat etilýine yqpaly týraly qyzyqty málimettermen bólisti.
Sonymen qatar kezdesýde Aıda Eıvazly jınalǵandarǵa Halyqaralyq Túrki akademııasynda atqarylyp jatqan jumystar týraly aıtyp berdi.
