Memleket basshysynyń paıymdaýynsha, kadrlardy irikteý men ornalastyrýdyń budan ózge baǵyty bolmaýy tıis. О́z kezeginde bul ustanym básekege qabiletti, sapalyq deńgeıi joǵary mamandardy daıarlaý qajettiligin týǵyzady.
Osy oraıda Q.Jubanov atyndaǵy Aqtóbe óńirlik memlekettik ýnıversıtetinde jańa formattaǵy mamandar men kadrlardy ázirleý isi qolǵa alynǵan. Buǵan Aqtóbe oblystyq memlekettik qyzmet isteri departamenti bastamashy bolyp otyr. Sóıtip atalǵan joǵary oqý ornynda «Menedjment» mamandyǵy aıasynda HR menedjerlerin oqytý traektorııasy belgilengen. Bul jóninde ekonomıka jáne menedjment kafedrasynyń meńgerýshisi Aıgúl Qurmanalına óz oı-pikirin tómendegishe túıindedi.
– Bolashaq mamandardy jańa format deńgeıine saı ázirleý úrdisi «Adam resýrstaryn basqarý» dep atalǵan jańa turpattaǵy oqytý baǵdarlamasyna negizdelgen. Soǵan sáıkes bıylǵy jyldan bastap atalǵan mamandyqty ıgerýge ynta-zeıini bar talapkerlerdi synnan ótkizýdi oılastyryp otyrmyz, dedi.
Osy tujyrymynan taǵy bir kóńilge túıgen jaıt – atalǵan oqý baǵdarlamasy stýdentterdi personaldy qyzmetke beıimdeý baǵyttaryna basymdyq bermek. Jańa istiń basy-qasynda júrgender onyń ózegine búgingi memlekettik saıasattyń basym baǵyttaryn tolyq, ári jan-jaqty meńgerdi. Mansaptyq ósý men basqarý isinde óz boıyndaǵy kóshbasshylyq qasıetterin tanyta bilgen mamandar ázirleý erekshelikteri tán ekenin málimdep otyr.
AQTО́BE
