- Bizdiń maqsatymyz - memlekettik qyzmetkerlerge sybaılas jemqorlyq qylmystarynyń saldaryn kórsetý, olardy qamaýdaǵylardyń turmysymen tanystyrý, – deıdi QR Sybaılas jemqorlyqqa qarsy is-qımyl agenttiginiń ShQO boıynsha departament basqarmasynyń basshysy Renat Nabıev, - aldaǵy ýaqytta olar qylmystyq isterge barmaýy biz úshin asa mańyzdy.
Memlekettik qyzmetkerler ekskýrsııa sheńberinde ashana bólmesine, sport zalyna, kitaphanaǵa jáne basqa da oryndarǵa bardy. Sondaı-aq merzimin ótep jatqan adamdarmen de kezdesti.
- Jas memlekettik qyzmetkerlerge etıka men zańdy ustaný qajettigin, sybaılas jemqorlyqqa jol bermeý kerektigin aıtqym keledi. Men advokat edim, para alǵanym úshin sottaldym. Segiz jylǵa kettim. Úshinshi jylyn ótep kelemin. Árıne, óte aýyr, bostandyqta jaqsy ǵoı. Kesh bolsa da, ókinemin. Sondyqtan memlekettik qyzmetkerlerdi zańǵa qaıshy eshteńe jasamaýǵa shaqyrǵym keledi, - dedi qamalǵandardyń biri sóz alyp.
Osyndaı is-sharalardyń birqataryn aldaǵy ýaqytta da sybaılas jemqorlyqtyń aldyn alý jáne jolyn kesý retinde júrgizý josparlanyp otyr.
SEMEI
