Aımaqtar • 26 Aqpan, 2020

Túrkistan: Aqtóbelik ana Jetisaıǵa arnaıy kelip, qaıyrymdylyq jasady

190 ret

kórsetildi

1 mın

oqý úshin

Túrkistan oblysynda júzege asyrylyp jatqan «Qamqorlyq» jobasy ózge óńirlerden de qoldaý taba bastady. Úlgi alarlyq sharaǵa ózindik úlesin qosqan Aqtóbe oblysynyń turǵyny Gúlbaram Qabylanqyzy Jetisaı aýdanyna arnaıy kelip qaıyrymdylyq jasady.

Ǵalymjan ELShIBAI

Aqtóbelik ana aýyldaǵy muqtaj jandarǵa eki bas iri qaranyń etin 30-ǵa jýyq otbasyna taratty. Sondaı-aq Jetisaı qalasy men Asyq-ata kentinde ornalasqan balalarǵa arnalǵan eki ońaltý ortalyǵynyń tósek-ornyn túgeldeı jańartyp, qajetti turmys jıhazdaryn syıǵa tartty.

túrkistan

«Ultymyzdyń jaqsy qasıetteriniń asyly - jomarttyq, keńpeıildilik. Túrkistan oblysynda «Qamqorlyq» baǵdarlamasynyń baryn estip, az da bolsa muqtaj jandarǵa kómek kórseteıin dep sheshtim. Búgin bar dúnıe erteń joq. Balalarymnyń bári qoldady», – deıdi aq jaýlyqty ana Gúlbaram Qabylanqyzy. О́z kezeginde jergilikti ákimdik ókilderi alystan arnaıy kelgen anaǵa alǵystaryn bildirip, estelik syı-sııapat jasady.

Túrkistan oblysy