«Búgin partııa qatary óz salasy boıynsha jemisti eńbek etip júrgen belsendi azamattarmen tolyǵyp jatyr. Biz jergilikti máslıhattarda túrli sala ókilderiniń bolǵanyn qalaımyz. Buryn depýtattardyń basym bóligi kásipkerler bolsa, endi bul qatarǵa áleýmettik sala qyzmetkerleri, bilim, medısına, mádenıet jáne ózge de sala ókilderi qosylady degen senim bar. Saıası jumysta qyz-kelinshekter men jastar qatary da artady. Máslıhatta qoǵamnyń ártúrli tarmaqtarynyń ókilderi bolýy, olardyń úni estilýi tıis. Endi elimizde partııalyq praımerız ótedi. Sol saıası naýqanǵa qatysyp, eldik máselelerge aralasýǵa múmkindikterińiz bar. Partııaǵa árkim júrek qalaýymen, shynaıy nıetpen keledi», dedi B. Tájibaev.
Sondaı-aq saltanatty jıynda Qazyǵurt aýdandyq aýrýhanasy bas dárigeriniń orynbasary N.Boranbaeva, Túlkibas aýdany, Á.Moldaǵulova atyndaǵy jalpy orta mektebiniń muǵalimi A.Kósherbaı Nur Otan partııasyna qabyldanǵanyna qýanyshty ekenin jetkizdi. Kópbalaly analar – túlkibastyq Q.Turanqulova men túrkistandyq S.Bojbanbaeva da partııa qataryn tolyqtyrdy.
Búginde Túrkistan oblysynda Nur Otan partııasynyń 85 myńnan astam múshesi bar. О́tken jyldan bastap 2020 jyldyń aqpan aıyna deıin partııa qataryna 5 myńnan astam adam qabyldanyp, 8 myńnan astam adam shyǵarylǵan. Jalpy, partııa fılıalynyń baspasóz qyzmeti habarlaǵandaı, 28 aqpanda oblys boıynsha aýdan, qalalarda 122 adamǵa partııa kýáligi tapsyryldy.
Túrkistan oblysy
