Bul týraly oblys ákimi О́mirzaq Shókeevtiń tóraǵalyq etýimen ótken aptalyq lezdeme otyrysynda aıtyldy. Túrkistan tórinde azýly aqyndar alaman aıtysta bas qosady, dástúrli ulttyq oıyndar ótedi. Elimizge tanymal juldyzdardyń konserttik baǵdarlamalary, san alýan baıqaýlar men festıval, saıystar uıymdastyrylmaq. Árıne, 12 kúnniń árbirin taǵylymdy da tanymdy ótkizý jáne jas urpaqtyń sanasyna ulttyq salt-dástúrlerdi sińirý basty maqsattardyń biri. Osy baǵyttaǵy pikirler ortaǵa salyndy.
Jıynda, sondaı-aq oblystyq aýyl sharýashylyǵy basqarmasynyń basshysy Nurbek Badyraqov kóktemgi dala jumystary boıynsha baıandama jasap, qajetti 37 myń tonna arzandatylǵan janarmaı bólinip, jer aıdaý jumystary 96% oryndalǵanyn atap ótti. Zııankesterden keletin qaýiptiń aldyn alý boıynsha jumystar da talqylandy. Al Túrkistan qalasynyń ákimi Rashıd Aıýpov shahardyń damý baǵyttaryn baıandady.
Búginde qalada ákimshilik-iskerlik ortalyq aýmaǵynda 7 qabatty 14 turǵyn úıdiń, 12 qabatty 40 turǵyn úıdiń, al «Batys Qytaı – Batys Eýropa» tasjolynyń boıynda 7 qabatty 10 turǵyn úıdiń qurylysy júrgizilýde. Buǵan qosa, ákimshilik-iskerlik ortalyq aýmaǵynan jeke qurylys kompanııasy óz qarajaty esebinen 12 qabatty 32 turǵyn úıdiń qurylysyn júrizýde.
