Memlekettik mereke aıasynda

Elimizdiń aıtýly merekesi – Konstıtýsııa kúnine oraı Astanada birqatar mádenı jáne merekelik is-sharalar ótedi.

Elimizdiń aıtýly merekesi – Konstıtýsııa kúnine oraı Astanada birqatar mádenı jáne merekelik is-sharalar ótedi.

Is-sharalar josparyna sáıkes, 16 tamyzdan bastap Qazirgi zamanǵy óner murajaıynda «Meniń elim, meniń elordam» atty kórme, al №5570 áskerı bóliminde Qazirgi zamanǵy óner murajaıynyń «Batyrlar – Otan qorǵaýshylar» dep atalatyn kóshpeli kórme uıymdastyrylady. Merekelik sharalar kestesi «Atameken» etno-memorıaldyq kesheninde Qazaqstan Respýblıkasynyń Konstıtýsııasy kúnine oraı­las­tyrylǵan «Azat eldiń ar-namysy – Ata Zań» taqyrybyndaǵy dóńgelek ústelmen jalǵasady.

«ALJIR» murajaıynda elor­da turǵyndary men qonaq­tary­nyń nazaryna 29 tamyz – 5 qyrkúıek aralyǵynda «Tarıh – tanym aınasy» beınekórinisi usynylady. 29 tamyzda Beıbit­shi­lik jáne kelisim saraıynda ǵylymı konferensııa ótkizilip, «Qazaqstan» ortalyq konsert zalynda memlekettik merekege oraı merekelik konsert uıymdastyrylady.

30 tamyzda qala turǵyndary men qonaqtary úshin Astana­nyń ortalyq alańynda buqa­ra­lyq-mádenı sharalar uıym­das­tyrylyp, arnaıy daıyndalǵan merekelik konsert kórsetiledi.

Jylqybaı JAǴYPARULY,

«Egemen Qazaqstan».