Vzvodtardyń jaýyngerlik atysyna motoatqysh jáne teńiz jaıaý áskeriniń vzvodtary men qosa, oqpen qoldaý kórsetý kúshteri retinde tank pen artıllerııa bólimsheleri qatysýda.
Osy kezeńdegi atystardyń barysynda teńiz jaıaý áskerleriniń vzvodtarymen qalalyq jaǵdaıdaǵy urys júrgizý máseleleri qarastyryldy. Jattyǵý barysynda eldi mekendi barlaý jáne eldi mekendegi urys kezindegi jeke quram men áskerı tehnıkanyń is-áreketin kelistirý máseleleri tııanaqty qarastyryldy.
Jaýyngerlik atystar bastalar aldynda batalon komandırleriniń jalpy basshylyǵymen nusqaýlyq-ádistemelik sabaqtar ótkizildi. Atystardyń nátıjesi boıynsha jeke quramdy jaqsy basqaryp, durys sheshimderdi qabyldaý arqyly kózge túsken teńiz jaıaý áskerleri vzvodynyń komandırleri leıtenant Ildar Aıymbek pen leıtenant Jánibek Azanbaı úzdik atandy.
Vzvodtardyń jaýyngerlik atystary naýryz aıynyń basynda aıaqtalady.
Mańǵystaý oblysy
