-Búgin biz «Rýhanı jańǵyrý» baǵdarlamasynyń «Qasıetti Qazaqstan» arnaıy jobasy aıasynda «Kıeli Qazaqstan» atty aqparttyq semınar ótkizip otyrmyz. Sharamyzdyń basty mindeti, kitaphana qyzmetkerleriniń shyǵarmashylyq belsendiligin arttyrý, tarıhı-mádenı eskertkishterdi nasıhattaýdyń jańa ádis-tásilderin aıqyndap, rýhanı qundylyqtardy pash etýdegi tájirıbeni anyqtap, taratý. Munda biz elimizdiń mádenı jáne qasıetti jerlerin zertteýge baǵyttalǵan «Qazaqstannyń kıeli geografııasy» jobasy týraly áńgimeleımiz. Mundaı semınarlar, árıne, buryn da ótkizildi, biraq búgingi kúnniń ereksheligi de bar, biz búgingi tańda Qazaqstannyń kıeli jerlerimen keńirek tanysatyn bolamyz. Eger buryn bul joba týraly kóp kólemde aıtylmasa, búgin biz osy jobadaǵy elimizdiń kıeli oryndarynda naqty toqtaýǵa nıettimiz, - deıdi kitaphana ádiskeri Merýert Júkenova.
Semeı aqparattyq ortalyǵynyń málimetinshe, sharaǵa qatysýshylar «Ońtústik Qazaqstannyń 7 keremeti» atty jedel-aqparatpen, sondaı-aq kórneki jáne aqparattyq jumystyń jańa túrleriniń biri – kitaphanalyq kvılt jasaý ádisimen, sonymen birge mýltımedııalyq «Qyzǵaldaq týraly ańyzdar» atty beıne-sholýmen tanystyrylyp, «Kıeli jerlerge saıahat» atty tarıhı battl saıysynda baq synaýǵa múmkindik aldy. Sonymen qatar ortalyq kitaphana mamandary arasynda Úzdik bıblıogıd saıysy ótti. Oǵan qatysýshy kitaphanashylar Qasıetti Qazaqstan arnaıy jobasynyń tizimine eńgen elimizdiń kıeli jerleri týraly erekshe áser etip usyndy.
Sonymen birge shara barysynda Elbasy usynǵan Rýhanı jańǵyrý baǵdarlamasy aıasynda ulttyq asyl murany, onyń ishinde ólketaný ádebıetterin keń kólemde nasıhattap, urpaqtan urpaqqa jetkizý maqsatynda ortalyqtandyrylǵan kitaphana júıesiniń saıtynda qurylǵan onlaın-kitaphananyń tusaýkeseri ótti.
Semeı
