Biregeı joba Naýryz toıyna kelgen qonaqtar men sheteldik saıahatshylar úshin tarıhy tereń qazaq mádenıetimen tolyǵyraq tanysýǵa múmkindik beredi. Kóne ǵasyr mekeninde saz balshyqtan úıler turǵyzylyp, aǵashtan qurastyrylǵan qorshaýlar men kópir, ótkelder ornatylǵan. Mártebeli meımandar munda kóne ǵasyr keıpindegi úılerdiń ashanalarynan dám tatyp, sheberler kóshesi men ertegiler mekeni, sarbazdar aýyly jáne shyǵys bazarynyń úlgisin tamashalaı alady. Naýryz merekesi kúnderi babalar dáýirine saıahat jasatatyn kóshpeli aýylda kıiz úıler tigilip, ulttyq oıyndar oınatylady. Qurylys barysy tarıhı nysannyń saqtalý talaptary eskerile otyryp júrgizilýde.
Sondaı-aq kesenege barar jolda ornalasqan Qashqarı gúl baǵy abattandyrylýda. Al Esimhan alańynda ornalasqan ǵımarat endi zamanaýı qonaqúıge aınalady. Qurylys jumystarynyń sapasyn teksergen oblys ákimi О́mirzaq Shókeev temirjol vokzaly aldyndaǵy alleıada boldy. Munda aıaqjol tóseý, jaryq kózderin jáne oryndyqtar men qoqys jáshigin ornatý, kishi arhıtektýralyq pishinder qoıý josparlanýda. Sondaı-aq, sý uńǵymasy qazylyp, dekoratıvti aǵash kóshetteri otyrǵyzylady. Aldaǵy ýaqytta temirjol vokzalynyń ishki júıesi de zamanaýı talapqa sáıkestendirilmek. Kúrdeli jóndeýden ótken alleıany da Naýryz merekesi qarsańynda paıdalanýǵa berý josparlanyp otyr.
Túrkistan oblysy
