Jas urpaqty Abaı álemine sapar shektiretin ıgi shara hakimniń 175 jyldyǵyn merekeleý aıasynda uıymdastyrylǵan. Bilim ordasynyń 3-qabaty túgelimen Abaı murasyna arnalyp, sórelerde uly oıshyldyń kitaptary qoıylypty. Mektep ujymy bul zaldy jasaqtaýǵa jarty jyl ýaqyt ketkenin aıtady. Ádebı zaldyń saltanatty ashylýy barysynda uly aqynnyń ánderi shyrqalyp, kópshilik nazaryna arnaıy kitap kórmesi usynyldy. Tómengi synyp oqýshylary Abaıdyń qara sózderi men óleńderin almakezek jatqa oqydy.
– Abaı – dáýirmen úndese bilgen ǵasyr aqyny. Árbir býyny men býnaǵy, tarmaǵy men shýmaǵy óskeleń urpaqtyń oı-sanasynan kórinis taba bilgen, oıshyl, tereń aqyn. Árıne, qazaqtyń qazaqtyǵyn kúlli álemge tanytatyn kim dese, Abaı der edik. Endeshe búgingi ósip kele jatqan jas býyn Abaıdyń árbir óleń joldarynan úlgi, ǵıbrat alyp, bolashaqta úlken azamat bolyp, qazaq qoǵamyna eńbek etemin dese, Abaıdyń murasyn bilýi kerek, zerdeleýi kerek. Mektebimizdiń tórinen oryn alǵan ortalyqta áıgili jazýshylarmen jáne aqyndarmen kezdesýler ótip, taqyryptyq baıqaýlar men ekskýrsııalar, beıneleý óneri kórmeleri uıymdastyrylatyn bolady, – deıdi M. Maqataev atyndaǵy № 140 mektep-gımnazııasynyń tarıh jáne quqyqtaný pániniń muǵalimi Dáýren Saǵynǵalıev.
ALMATY
