Sport jáne dene shynyqtyrý isteri agenttigi tóraǵasynyń orynbasary Tastanbek Esentaev Sport kúnine baılanysty ótken kezdesýde kelesi jyly Astanada múgedek sportshylarǵa arnalǵan olımpıadalyq ortalyqtyń ashylatynyn habarlady.
Sport jáne dene shynyqtyrý isteri agenttigi tóraǵasynyń orynbasary Tastanbek Esentaev Sport kúnine baılanysty ótken kezdesýde kelesi jyly Astanada múgedek sportshylarǵa arnalǵan olımpıadalyq ortalyqtyń ashylatynyn habarlady.
– Kelesi jyly múgedek sportshylardyń jetistikterin arttyrýǵa jaǵdaı jasaıtyn olımpıadalyq ortalyq ashylady. Qazir onyń qurylysyna Úkimet tarapynan 129 mln. teńge qarajat bólindi. О́zderińizge belgili, sońǵy kezderi paraolımpıadalyq jáne sýrdolımpıadalyq sportshylarymyzdyń halyqaralyq arenadaǵy jetistikteri keledi. Sondyqtan olarǵa memleket tarapynan úlken qoldaý kórsetilýde, – dedi ol.
Kezdesýde ol buǵan dálel retinde 26 shilde men 6 tamyz aralyǵynda Bolgarııanyń Sofııa qalasynda ótken sýrdolımpıadalyq oıyndarda Ǵabıt Esjanovtyń chempıon atanǵanyn, al sýǵa júzýden paraolımpıadalyq sportshylarymyz osy kúnderi Kanadada ótip jatqan álem chempıonatynda alǵash ret álem rekordyn jańartqanyn atap ótti. Onyń aıtýynsha, munyń bári elimizde múgedekter sportyn damytýǵa jasalyp jatqan jaǵdaıdy kórsetedi. Qazirgi kezde qarjylandyrý, uıymdastyrý jaǵynan barlyq múmkindikter bar. «Sondyqtan qazaqstandyq múgedek sportshylar jospar boıynsha, belgilengen jarystardyń barlyǵyna qatysýda», – dedi ol.
