Qazaqstan qoǵamynda bul merekeniń myzǵymas rýhanı negizi bar, elimizde áıelderge búkilhalyqtyq qurmet pen analardy ardaqtaýdyń san ǵasyrlyq dástúri qalyptasqan.
Búgingi tańda Qazaqstan áıelderi qoǵamdyq ómirdiń barlyq salalarynda – saıasatta, ekonomıkada, ǵylymda, mádenıet pen bilim berý salasynda mańyzdy jasampaz ról atqarady.
Sizderdiń áleýmettik belsendilikterińizdiń artýy, shyǵarmashylyq jáne zııatkerlik áleýetterińizdiń tolyq ashylýy – el tabysynyń basty sharttarynyń biri.
Halyqaralyq áıelder kúni – bizdiń barshamyz úshin qasterli de aıryqsha mereke.
Tatýlyq pen birliktiń, jarqyn bolashaqqa degen senimniń, izgilik pen meıirimdiliktiń uıytqysy – áıel-ana úshin bul merekeniń orny erekshe.
Qurmetti áıelder!
8 naýryz – sulýlyq pen ásemdik merekesi. Sizder ómirge sán berip, meıirim tógip, shýaq shashyp, elimizdiń bolashaǵy – óskeleń urpaqtyń boıyna asyl qasıetterdi darytasyzdar.
Osy shuǵylaly merekeni kóterińki kóńil kúımen, jaqsy kóretin jandaryńyz ben baqytty balalaryńyzdyń, adal dostaryńyz ben qurbylaryńyzdyń ortasynda qarsy alýǵa shyn júrekten tilektespiz.
Sizderge myqty densaýlyq, otbasylaryńyzǵa qut-bereke, baqyt jáne amandyq tileımiz.
Mereke qutty bolsyn, qymbatty áıelder!
