Jaqynda Máskeý túbindegi Alabıno poselkesinde alǵash ret «Tank bıatlony» halyqaralyq jarysy bolyp ótti. Oǵan Qazaqstan, Reseı, Belarýs pen Armenııa elderiniń áskerıleri qatysyp, jańa T-726 tankisin synap kórdi.
Jaqynda Máskeý túbindegi Alabıno poselkesinde alǵash ret «Tank bıatlony» halyqaralyq jarysy bolyp ótti. Oǵan Qazaqstan, Reseı, Belarýs pen Armenııa elderiniń áskerıleri qatysyp, jańa T-726 tankisin synap kórdi.
Jarys barysynda ekıpajdar 20 km. qashyqtyqty júrip ótti. Sonyń qorytyndysynda birinshi oryndy 26 mınýttyq nátıjemen reseılik tank ekıpaj ıelendi. Ekinshi oryndy 52 sekýndtyq aıyrmashylyqpen Qazaqstannyń tank ekıpajy aldy. Alaıda, bul ekinshi oryndy mańdaı termen kelgen jeńis dese bolady. Jarys barysynda bizdiń ekıpaj komandıri jaraqat alyp, ony dýblermen aýystyrýǵa týra keldi. Úshinshi jáne tórtinshi oryndardy Belarýs pen Armenııa ekıpajdary bólisti.
Qazaqstan Respýblıkasy Qarýly Kúshteri Qurlyq áskerleri bas qolbasshysynyń orynbasary general-maıor Ámir Halyqovtyń aıtýynsha, qazaqstandyq tank ekıpajy qoıylǵan tapsyrmany úzdik oryndaǵan. «Qazaqstan jaǵdaıyndaǵy daıyndyq barysynda biz úzdik ekıpaj birinshiligin ótkizdik. Mundaı halyqaralyq jarys alǵash ret ótkizilip otyr. Biraq, biz oǵan qatysýǵa tolyqtaı ázir boldyq jáne júldeli ekinshi oryndy da ıelendik», dedi ol.
Bas qolbasshynyń orynbasary reseılik áriptester Reseı Qorǵanys mınıstri Sergeı Shoıgýdyń qolynan «Za ýkreplenıe boevogo sodrýjestva» medalin alǵan qazaqstandyq tankısterdiń daıyndyq deńgeıin joǵary baǵalaǵanyn atap ótti. Qazaqstan úshin ekinshi oryndy ekıpaj komandıri aǵa leıtenant Janat Qýanyshev, serjant Mıras Nýrko, qarý oqtaýshy aǵa serjant Aıdyn Qalıoldın, mehanık-júrgizýshi efreıtor Maqsat Túsipovter qamtamasyz etti.
«Egemen-aqparat».
