Qostanaıda 13 polıseıden quralǵan qylmystyq top sot aldyna keldi. Olardyń arasynda usaq qyzmetkerler ǵana emes, sonymen qatar oblystyq ishki ister departamentiniń qyzmetkerleri de bar. Bul týraly «Ekspress-K» gazeti jazdy.
Mundaı masqarany Ishki ister mınıstrligi buryn-sońdy bastan keshken emes. 13 adamnan quralǵan bul uıymdasqan qylmystyq top Qostanaı oblysynda esirtki zattaryn taratýmen aınalysyp kelgen. Pogon taqqan «qubyjyqtardy» Ulttyq qaýipsizdik qyzmetkerleri ustady. Aldymen torǵa
Rezıda Asylbaeva, Alevtına Petrenko jáne Nadejda Kıseleva esimdi áıelder tústi. Sodan soń sheńber shıratylyp sala berdi. Keıin anyqtalǵandaı, aımaqqa esirtki polıseılerdiń qatysýynsyz kelmeıtin bolyp shyqty. Olardyń biri osyǵan qalqan bolsa, ekinshisi kózin juma qaraǵan, al úshinshisi esirtkini aınalymǵa jiberýmen aınalysqan.
Tergeý qorytyndysynda 34 qylmystyq is qozǵalyp, ol boıynsha 37 adam kúdikti retinde ótti. Bulardyń 13-i polısııa qyzmetkerleri eken.
Is qazir sotqa ótkizilgen. Dúrbeleńi kúshti bul isti oblystyq sottyń tóraǵasy Asylbek Jumaǵulovtyń ózi qaraıtyn bolypty. Jaqyn kúnderde birinshi tyńdaý ótkiziledi.
Qurysh Nurymbet.
