Oǵan Syrtqy ister vıse-mınıstri Erjan Ashyqbaev, Eýropadaǵy qaýipsizdik jáne yntymaqtastyq uıymy baǵdarlamalary keńsesiniń basshysy Derd Sabo, USAID-tiń Nur-Sultandaǵy Keńsesiniń dırektory Raıan Ýedl, BUU-nyń Qazaqstandaǵy Adam quqyqtary jónindegi Joǵarǵy Komıssar basqarmasynyń ókili Leıla Dúısekova, «BUU – Áıelder» qurylymynyń jobalyq menedjeri Gúlnar Smaıylova, sondaı-aq Germanııa, Ulybrıtanııa, Nıderland, AQSh-tyń Qazaqstandaǵy elshilikteriniń ókilderi qatysty.
– Biz habarlandyrý júıesin engizýdemiz. Bul – úlken qadam. Halyqpen keńeskennen keıin «reglamenttelgen tártip» túsinigi bolmaıtyn boldy. Aıta keterligi, «Ashyq derekter» portalynda zań jobasyn talqylaý aıasynda 260-tan astam eskertý men usynys kelip tústi, – dedi D.Abaev.
Mınıstrdiń aıtýynsha, beıbit jıyndar týraly zań jobasy Prezıdent Qasym-Jomart Toqaevtyń tapsyrmalary aıasynda júzege asyp otyr. Máselen, zań jobasynda mıtıngterdi ótkizý týraly habarlaý prosedýrasyn, uǵymdyq aqparatty engizý, beıbit jıyndardy qalanyń shetinde emes, arnaıy oryndarda ótkizý qarastyrylǵan.
– Bul qujat týra osylaı ázirlenýi tıis. Qolǵa alynyp jatqan jumys barysy bizdiń kóńilimizden shyǵyp otyr. Túrli oryndarda, túrli deńgeılerde pikirtalastar órbip jatyr. Osynyń barlyǵy jobasy da, baǵyty da durys zańdy qabyldaýǵa uıytqy bolady degen oıdamyn. Bul úrdiske Eýropadaǵy qaýipsizdik jáne yntymaqtastyq uıymy da úles qosýǵa daıyn, – dedi D.Sabo.
Onyń aıtýynsha, Eýropadaǵy qaýipsizdik jáne yntymaqtastyq uıymynda osyndaı máselelermen aınalysatyn arnaıy ınstıtýttar men jekelegen bólimsheleri bar kórinedi. Uıymǵa múshe memleketterdiń ótinishi boıynsha sarapshylyq pikir bildirilip otyrady.
– Beıbit jıyndardy ótkizý mádenıetin joǵarylatý boıynsha jumys júrgizý kerek dep esepteımin. Erteńgi el damýyna qajet asa mańyzdy zańdy ázirlegenderińiz úshin alǵysymdy bildiremin. Atalǵan zańdy qabyldap qana qoımaı, halyqqa beıbit jıyndar ótkizýdiń ádis-tásilderin de úıretý kerek dep oılaımyn. Máslıhattar alańynda, qoǵamdyq keńesterde turǵyndardyń qalaı beıbit jınalatyny, olardyń sypaıy túrde oı bildirýge bolatyny týraly tyńdaý ótkizgen abzal. Sondaı-aq jalpy jaǵdaıdy mıtıngke ulastyrýdyń qajeti de shamaly, – dedi G.Smaıylova.
Kezdesý barysynda Dáýren Abaev halyqaralyq uıymdardyń ókilderiniń saýaldaryna jaýap berip, zań jumysy aıasynda atqarylyp jatqan ózge de mańyzdy máselelerge toqtaldy.
