Saýd Arabııasynda álemdegi eń semiz adamdy aryqtatý úshin ota jasaldy. Dárigerler salmaǵy 610 kılo bolatyn Haled Mohsen ál-Shaerıdiń 80 kılodaı maıyn sylyp tastady.
Nebári 20 jasar jigit artyq salmaqtyń kesirinen ózdiginen qozǵala almaı qalǵan. Saýd Arabııasynyń koroli ony aýrýhanaǵa jetkizý úshin arnaıy ushaq bólip, Azamattyq qorǵanys kúshterine kómek kórsetýge tapsyrma bergen. Alaıda, Haledtiń esikke syımaýy sebepti úıdiń jartysyn buzýǵa týra keldi. Sosyn ony kranmen kóterip syrtqa shyǵardy da, tapsyryspen jasalǵan kerýetke salyp Er-Rııadtaǵy aýrýhanaǵa jetkizedi.
Jergilikti aqparat quraldarynyń málimdeýinshe, Haled Mohsen ál-Shaerıdiń semizdigi fast-fýdpen emes, densaýlyǵynyń nasharlaýymen tikeleı baılanysty. Degenmen, dárigerler oǵan der kezinde ota jasap úlgerdi.
Danııar Túımebaı.
