- Biz 2018 jylǵy qateliktiń qaıtalanýyna jol bermeýimiz kerek. Ol kezde myń jarym úı jaramsyz kúıge túsip, joldar búlingen, úsh myńnan astam adam evakýsııalanǵan. Prokýratýra qylmystyq is qozǵap, ózderińiz biletindeı, kináliler jaýapkershilikke tartylǵan,- dedi Qusaıyn Igembaev.
Qala ákimi Ermak Sálimovtiń aıtýynsha, ústimizdegi jyly sý tasqynynyń aldyn alý sharalaryna 944, 5 mln teńge qarastyrylǵan. Turǵyn úı kommýnaldyq sharýashylyq bóliminde sý jiberý kanaldaryn aǵymdaǵy jóndeý men kútip ustaýǵa 46 mıllıon teńgeden astam qarajat qarastyrylǵan. Semeı óńirinde sý jiberý kanaldarynyń uzyndyǵy 62 shaqyrymdy quraıdy.
- Búgingi kúni aryqtardyń barlyǵy tazartyldy, jumys shtattyq rejımde júrýde. Jaǵalaýdy bekitý jumysynyń jobalaý-smetalyq qujaty jasaldy. Joba ekspertızaǵa jiberildi, qarajat bólindi, 25 maýsymǵa jobanyń bekýin kútýdemiz. Semeıdiń keshendi damý jospary aıasynda joba iske asa bastaıdy. Sý basý qaýpin boldyrmaý maqsatynda sharalar qolǵa alyndy. Jeke sektorlardan qar shyǵaryldy. Búgingi kúni jeke sektordyń 55 kóshesinen 300 myń sharshy metr qar shyǵaryldy. Qalǵan 5 kósheni naýryzdyń 20 deıin shyǵaramyz dep josparlap otyrmyz,- dedi Ermak Sálimov. Sonymen birge qala ákimi 18 naýryz kúni Mırnyı kenti aýmaǵynda muz jarý jumysy bastalatynyn atap ótti.
Semeı
