2013 jylǵy 21 maýsym, Astana, Úkimet Úıi
Tehnıkalyq jaraqtandyrýdan keıin elektr stansııalarynyń, elektr jáne jylý jelileriniń energııa obektilerin paıdalanýǵa qabyldap alý qaǵıdalaryn bekitý týraly
«Elektr energetıkasy týraly» Qazaqstan Respýblıkasynyń 2004 jylǵy 9 shildedegi Zańynyń 4-babynyń 30) tarmaqshasyna sáıkes Qazaqstan Respýblıkasynyń Úkimeti qaýly etedi:
1. Qosa berilip otyrǵan Tehnıkalyq jaraqtandyrýdan keıin elektr stansııalarynyń, elektr jáne jylý jelileriniń energııa obektilerin paıdalanýǵa qabyldap alý qaǵıdalary bekitilsin.
2. Osy qaýly alǵashqy resmı jarııalanǵannan keıin kúntizbelik on kún ótken soń qoldanysqa engiziledi.
Qazaqstan Respýblıkasynyń Premer-Mınıstri S.Ahmetov.
Qazaqstan Respýblıkasy Úkimetiniń 2013 jylǵy 21 maýsymdaǵy №642 qaýlysymen bekitilgen
Tehnıkalyq jaraqtandyrýdan keıin elektr stansııalarynyń, elektr jáne jylý jelileriniń energııa obektilerin paıdalanýǵa qabyldap alý qaǵıdalary
1. Jalpy erejeler
1. Osy Tehnıkalyq jaraqtandyrýdan keıin elektr stansııalarynyń, elektr jáne jylý jelileriniń energııa obektilerin paıdalanýǵa qabyldap alý qaǵıdalary (budan ári – Qaǵıdalar) «Elektr energetıkasy týraly» 2004 jylǵy 9 shildedegi Qazaqstan Respýblıkasynyń Zańy 4-babynyń 30) tarmaqshasyna sáıkes ázirlendi jáne tehnıkalyq jaraqtandyrýdan keıin elektr stansııalarynyń, elektr jáne jylý jelileriniń energııa obektilerin paıdalanýǵa qabyldap alý tártibin aıqyndaıdy.
2. Osy Qaǵıdalarda mynadaı negizgi uǵymdar qoldanylady:
1) jetkizýshi – energııa obektisin jáne (nemese) onyń qurylymdyq bóligin montajdaý, iske qosý jáne paıdalaný tártibi týraly aqparatqa ıe energııa obektisin jáne (nemese) onyń qurylymdyq bóligin óndirýshi nemese jetkizýshi;
2) jobalaýshy – tehnıkalyq jaraqtandyrý jobasyn ázirlegen tulǵa;
3) jasyryn jumystardy kýálandyrý aktisi – tehnıkalyq jaraqtandyrý boıynsha barlyq jumystar kesheni aıaqtalǵannan keıin oryndalǵanyn naqtyly tekserýge bolmaıtyn jumystardyń kýálandyrylǵanyn rastaıtyn qujat;
4) qabyldaý komıssııasy – energııa obektisiniń ázirligin belgileıtin jáne qujattamalyq rastaıtyn jáne energııa obektisin paıdalanýǵa qabyldaıtyn ýaqytsha alqaly organ;
5) merdiger – tapsyrys berýshimen jasalǵan mámile negizinde tehnıkalyq jaraqtandyrý boıynsha jumystardy júzege asyratyn tulǵa;
6) tehnıkalyq jaraqtandyrý – jumys istep turǵan elektr stansııalaryn, elektr jáne jylý jelilerin energııa obektilerimen jaraqtandyrý ne jumys istep turǵan elektr stansııalarynyń, elektr jáne jylý jelileriniń energııa obektilerin aýystyrý;
7) tapsyrys berýshi – elektr stansııalaryn, elektr jáne jylý jelilerin paıdalanatyn tulǵa;
8) energetıkalyq obekt (energııa obektisi) – elektr energııasyn óndiretin, beretin jáne (nemese) tutynatyn obekt.
3. Osy Qaǵıdalarda paıdalanylatyn basqa uǵymdar «Elektr energetıkasy týraly» 2004 jylǵy 9 shildedegi Qazaqstan Respýblıkasynyń Zańynda aıqyndalǵan uǵymdarǵa sáıkes qoldanylady.
4. Osy Qaǵıdalar «Qazaqstan Respýblıkasyndaǵy sáýlet, qala qurylysy jáne qurylys qyzmeti týraly» 2001 jylǵy 16 shildedegi Qazaqstan Respýblıkasynyń Zańyna sáıkes paıdalanýǵa qabyldanǵan energııa obektilerine qoldanylmaıdy.
2. Qabyldaý komıssııasyn qalyptastyrý tártibi, onyń quramy jáne ókilettikteri
5. Tehnıkalyq jaraqtandyrýdan keıin energııa obektisin paıdalanýǵa qabyldap alýdy qabyldaý komıssııasy júzege asyrady.
6. Bir qabyldaý komıssııasyna ózara tehnıkalyq baılanysty jáne bir oblysta, respýblıkalyq mańyzy bar qalada nemese astanada ornalasqan birneshe energııa obektilerin qabyldaýǵa jol beriledi.
7. Qabyldaý komıssııasyna mindetti túrde tapsyrys berýshiniń, merdigerdiń, jobalaýshynyń, tehnıkalyq qadaǵalaýdy júzege asyratyn tulǵanyń (bolǵan kezde), energııa obektisiniń ornalasqan jeri boıynsha oblystyń, respýblıkalyq mańyzy bar qalanyń nemese astananyń jergilikti atqarýshy organynyń, memlekettik energetıkalyq baqylaý jónindegi memlekettik organnyń, órtke qarsy memlekettik qyzmettiń, memlekettik sanıtarııalyq-epıdemıologııalyq qyzmettiń ókilderi kiredi.
8. Qabyldaý komıssııasynyń quramyna qosymsha mynalar kiredi:
1) olardyń mindettemeleri nemese qabyldaý komıssııasynyń jumysyna qatysýǵa kelisimi bolǵan jaǵdaıda jetkizýshilerdiń ókilderi;
2) elektr energııasy kóterme saýda naryǵy sýbektileriniń energııa obektilerin paıdalanýǵa qabyldap alý kezinde júıelik operatordyń ókili;
3) osy tarmaqtyń 2)
