Partııa fılıalynyń tóraǵasy Erbolat Saýryqov arnaıy syılyq tapsyryp, sportshynyń denine saýlyq, otbasyna amandyq tiledi. «Sizdiń tabandylyǵyńyz ben tózimdiligińiz, jeńiske degen qulshynysyńyz jastarǵa ǵana emes, barsha azamattarǵa úlgi. Paralımpıada oıyndarynda Qazaqstan qorjynyna alǵash altyn salǵan sportshy retinde esimińiz egemen elimizdiń tarıhynda jazylatyny anyq», dedi Erbolat Saýryqov.
Sporttyq ǵumyrynda 200-ge jýyq medal alǵan Zýlfııa Gabıdýllına Azııa oıyndarynyń, birneshe halyqaralyq ashyq birinshilikterdiń chempıony, 200 metrge erkin ádispen júzýden álemdik rekord ıesi. Merekemen quttyqtap, arnaıy kelgen azamattarǵa alǵysyn aıtqan sportshy aldaǵy josparlarymen de bólisti. Sonymen qatar Zýlfııa Gabıdýllına qazirgi kezde Tokıo qalasynda ótetin paralımpıada oıyndaryna qyzý daıyndyq ústinde ekenin, buıyrsa elimizdiń týyn bıikke kóterip, ánuranymyzdy shyrqatýǵa bar kúsh-jigerin salýǵa eńbektenetinin jetkizdi.
Jambyl oblysy
