2013 jylǵy 15 qańtar, Astana qalasy
Medısınalyq uıymdarda ınfeksııalyq baqylaýdy júrgizý qaǵıdalaryn bekitý týraly
«Halyq densaýlyǵy jáne densaýlyq saqtaý júıesi týraly» 2009 jylǵy 18 qyrkúıektegi Qazaqstan Respýblıkasy Kodeksiniń 7-babynyń 1-tarmaǵynyń 5) tarmaqshasyna sáıkes, Qazaqstan Respýblıkasy Úkimetiniń 2012 jylǵy 12 qańtarda № 33 qaýlysymen bekitilgen «Infeksııalyq aýrýlardyń aldyn alý boıynsha sanıtarııalyq-epıdemııaǵa qarsy (profılaktıkalyq) is-sharalardy uıymdastyrýǵa jáne júrgizýge qoıylatyn sanıtarııalyq-epıdemıologııalyq talaptar» sanıtarııalyq qaǵıdalarynyń 213 - tarmaǵy negizinde buıyramyn:
1. Qosa berilip otyrǵan Medısınalyq uıymdarda ınfeksııalyq baqylaý júrgizý qaǵıdalary bekitilsin.
2. Qazaqstan Respýblıkasy Densaýlyq saqtaý mınıstrliginiń Memlekettik sanıtarlyq-epıdemıologııalyq qadaǵalaý komıteti (J.M. Bekshın) osy buıryqty Qazaqstan Respýblıkasy Ádilet mınıstrliginde memlekettik tirkeýdi qamtamasyz etsin.
3. Qazaqstan Respýblıkasy Densaýlyq saqtaý mınıstrliginiń Zań qyzmeti departamenti (J.J. Danaeva) osy buıryq Qazaqstan Respýblıkasy Ádilet mınıstrliginde memlekettik tirkelgennen keıin ony resmı jarııalaýdy qamtamasyz etsin.
4. Osy buıryqtyń oryndalýyn baqylaý Qazaqstan Respýblıkasynyń Densaýlyq saqtaý vıse-mınıstri E.Á. Baıjúnisovke júktelsin.
5. Osy buıryq alǵashqy resmı jarııalanǵan kúninen keıin kúntizbelik on kún ótken soń qoldanysqa engiziledi.
Mınıstr S. QAIYRBEKOVA.
Qazaqstan Respýblıkasy Densaýlyq saqtaý mınıstriniń
2013 jylǵy 15 qańtardaǵy №19 buıryǵymen bekitilgen
Medısınalyq uıymdarda ınfeksııalyq baqylaýdy júrgizý qaǵıdalary
1. Jalpy erejeler
1. Osy Medısınalyq uıymdarda ınfeksııalyq baqylaýdy júrgizý qaǵıdalary (budan ári – Qaǵıdalar) Qazaqstan Respýblıkasynyń medısınalyq uıymdarynda ınfeksııalyq baqylaýdy uıymdastyrý jáne júrgizý tártibin aıqyndaıdy.
2. Osy Qaǵıdalarda mynadaı termınder paıdalanyldy:
1) antıseptıka – emdeýdi qamtamasyz etý jáne ınfeksııalyq úderistiń damýynyń aldyn alý maqsatynda teridegi, silemeıli qabyqshalardaǵy, jaralar men qýystardaǵy yqtımal qaýipti mıkroorgnızmderdiń tirshilik etýine bóget jasaý nemese joıý tásilderiniń jıyntyǵy;
2) antıseptıkter – antıseptıka júrgizýge arnalǵan hımııalyq, bıologııalyq quraldar;
3) antıbıotıkter – mıkroorganızmderdiń ósýin báseńdetetin, shyǵý tegi tabıǵı nemese jartylaı sıntetıkalyq dárilik preparattar;
4) aýrýhanaishilik ınfeksııa (budan ári – AII) – pasıenttiń densaýlyq saqtaý uıymdarynda medısınalyq qyzmetterdi alýymen baılanysty bakterııalyq, vırýstyq, parazıttik nemese grıbokten paıda bolatyn kez kelgen ınfeksııalyq aýrý nemese qyzmetkerdiń medısınalyq uıymda jumys isteýi saldarynan paıda bolatyn ınfeksııalyq aýrý;
5) dezınfeksııa – ınfeksııalyq jáne parazıttik aýrýlardyń qozdyrǵyshtaryn joıý boıynsha sharalar kesheni;
6) dezınfeksııalyq quraldar – dezınfeksııalaý, sterıldeý aldynda tazartý, sterıldeý júrgizýge arnalǵan hımııalyq, bıologııalyq quraldar;
7) ınfeksııanyń kózi – mıkroorganızmderdiń jınalýyn, ósýin, kóbeıýin jáne qorshaǵan ortaǵa bólinýin qamtamasyz etetin olardyń ómir súrýiniń tabıǵı ortasy;
8) ınfeksııalyq baqylaý – aýrýhanaishilik ınfeksııalardyń týyndaýynyń jáne taralýynyń aldyn alýǵa baǵyttalǵan uıymdastyrý, sanıtarııalyq-epıdemııaǵa qarsy (profılaktıkalyq) is-sharalar júıesi;
9) ınkýbasııalyq kezeń – ınfeksııa qozdyrǵyshtary organızmge túsken
sátten bastap aýrýdyń alǵashqy belgileri paıda bolǵanǵa deıingi ýaqyttyń bóligi;
10) ınfeksııalyq baqylaý mamany – AII-nyń aldyn alý jónindegi is-sharalar keshenin uıymdastyratyn, olardyń oryndalýyn baqylaıtyn, medısınalyq uıymdarda ınfeksııalyq baqylaý máseleleri boıynsha personaldy oqytýdy jáne AII-nyń monıtorıngin qamtamasyz etetin dáriger-epıdemıolog jáne/nemese arnaıy oqytylǵan meıirbıke;
11) ınfeksııalyq baqylaý standarttary – ınfeksııalyq baqylaý júıesin uıymdastyrý jáne júrgizý tártibi;
12) medısınalyq uıymǵa ınfeksııanyń ákelinýi – stasıonarǵa túskenge deıin bolǵan jáne stasıonarda paıda bolǵan nemese anyqtalǵan ınfeksııalyq aýrýlar;
13) medısınalyq manıpýlıasııalar júrgizý algorıtmi – aýrýhanaishilik ınfeksııalardyń damýy táýekelin azaıtý maqsatynda emdeý-dıagnostıkalyq manıpýlıasııalar jáne profılaktıkalyq is-sharalar júrgizý tehnologııasy;
14) táýekel faktorlary – bul AII-nyń paıda bolýyna múmkindik beretin qorshaǵan ortanyń nemese organızmniń óziniń jaǵdaıy jáne ınfeksııa qozdyrǵyshyn be
