2013 jylǵy 29 mamyr, Astana qalasy
Mektepke deıingi uıymdar túrleri qyzmetiniń úlgilik qaǵıdalaryn bekitý týraly
«Bilim týraly» Qazaqstan Respýblıkasynyń 2007 jylǵy 27 shildedegi Zańynyń 5-babynyń 44-5)tarmaqshasyn iske asyrý maqsatynda buıyramyn:
1. Qosa berilip otyrǵan Mektepke deıingi bilim berý uıymdary qyzmeti túrleriniń úlgilik qaǵıdalary bekitilsin.
2. Qazaqstan Respýblıkasy Bilim jáne ǵylym mınıstriniń «Otbasylyq balabaqshalardyń, «mektep-balabaqsha» keshenderiniń, mektep jasyna deıingi balalardyń túzeý jáne ınklıýzıvti bilim berý kabınetteriniń, ata-analarǵa arnalǵan konsýltasııalyq pýnktteriniń qyzmetin uıymdastyrýdyń úlgi erejelerin bekitý týraly» 2009 jylǵy 28 qańtardaǵy №27 (2009 jylǵy 27 aqpandaǵy №31 (1628) «Zań gazetinde» jarııalanǵan normatıvtik quqyqtyq aktilerdi memlekettik tirkeý tiziliminde №5550 tirkelgen) buıryǵynyń kúshi joıyldy dep tanylsyn.
3. Mektepke deıingi jáne orta bilim departamenti (J.A.Jontaeva):
1) osy buıryqty Qazaqstan Respýblıkasy Ádilet mınıstrliginde belgilengen tártipte memlekettik tirkelýin:
2) osy buıryqty memlekettik tirkeýden ótkennen keıin buqaralyq aqparat quraldarynda jarııalanýyn;
3) osy buıryqty bilim berý uıymdarynyń nazaryna jetkizilýin qamtamasyz etsin.
4. Osy buıryqtyń oryndalýyn baqylaý vıse-mınıstr M.A.Ábenovke júktelisin.
5. Osy buıryq alǵash resmı jarııalanǵan kúninen bastap on kúntizbelik kún ótken soń qoldanysqa engiziledi.
Mınıstr B.JUMAǴULOV.
Qazaqstan Respýblıkasy Bilim jáne ǵylym mınıstriniń
2013 jylǵy 21 maýsym №8520 buıryǵymen bekitilgen
Mektepke deıingi uıymdar túrleri qyzmetiniń úlgilik qaǵıdalary
1. Jalpy erejeler
1. Osy Mektepke deıingi uıymdar túrleri qyzmetiniń úlgilik qaǵıdalary (budan ári – Úlgilik qaǵıdalar) «Bilim týraly» 2007 jylǵy 27 shildedegi Qazaqstan Respýblıkasy Zańynyń (budan ári – «Bilim týraly» Zań) 5-babynyń 44-5) tarmaqshasyna sáıkes ázirlendi jáne «Nazarbaev zııatkerlik mektepteri» derbes bilim berý uıymdarynyń mektepke deıingi uıymdaryn qospaǵanda menshik nysany men vedomstvolyq baǵynystylyǵyna qaramastan mektepke deıingi uıymdardyń barlyq túrleri qyzmetiniń tártibin anyqtaıdy.
2. Osy Úlgilik qaǵıdalarda mynadaı uǵymdar paıdalanylady:
mektepke deıingi uıym - bul bir jastan bastap mektep jasyna jetkenge deıingi balalardy tárbıeleýdi, oqytýdy, damytýdy, qaraýdy, baǵýdy jáne saýyqtyrýdy qamtamasyz etetin bilim berý uıymy.
3. Mektepke deıingi uıymdardyń negizgi mindetteri:
1) balalardyń ómirin jáne densaýlyǵyn qorǵaý;
2) tárbıelenýshilerdiń dene, zııatkerlik jáne jeke tulǵalyq damýyn qamtamasyz etetin ońtaıly jaǵdaılar jasaý;
3) sapaly mektepaldy daıarlaýdy qamtamasyz etý;
4) azamattylyqty, qazaqstandyq patrıotızmdi, adam quqyǵy men bostandyqtaryn qurmetteýdi, qorshaǵan tabıǵatqa, Otanǵa, otbasyna degen súıispenshilikti tárbıeleý;
5) balanyń tolyqqandy damýyn qamtamasyz etý úshin otbasymen ózara qımyl jasaý;
6) ata-analarǵa balalardy tárbıeleý, oqytý, damytý jáne densaýlyǵyn qorǵaý boıynsha konsýltatıvtik jáne ádistemelik kómek kórsetý bolyp tabylady.
4. Mektepke deıingi uıymdarǵa mynalar kiredi:
1) bóbekjaı;
2) balabaqsha;
3) otbasylyq bóbekjaı;
4) sanatorlyq bóbekjaı;
5) «mektep-balabaqsha» kesheni;
6) mektepke deıingi shaǵyn ortalyq.
5. Mektepke deıingi uıymdar mynadaı úlgilerge bólinedi:
jalpy damytýshy;
túzeý;
qurama.
6. Jalpy damytýshy, túzeý, qurama úlgidegi mektepke deıingi uıymdarda toptardyń tolymdylyǵy balalardyń sanaty men olardyń jasyna qaraı sáıkes Qazaqstan Respýblıkasy Úkimetiniń 2011 jylǵy 30 jeltoqsandaǵy № 1684 «Balalar men jasóspirimderdi tárbıeleý jáne bilim berý obektilerine sanıtarlyq-epıdemıologııalyq talaptar» Sanıtarııalyq qaǵıdalaryn bekitý týraly» qaýlysymen bekitilgen «Balalar men jasóspirimderdi tárbıeleý jáne bilim berý obektilerine sanıtarlyq-epıdemıologııalyq talaptar» Sanıtarııalyq qaǵıdalaryna (budan ári – Sanıtarııalyq qaǵıdalar) sáıkes júzege asady.
2. Mektepke deıingi uıymdar túrleri qyzmetiniń tártibi
7. Bóbekjaı qyzmeti bir jastan alty (jeti) jasqa deıingi balalarǵa arnalǵan mektepke deıingi tárbıe men oqytýdyń jalpy bilim beretin oqý baǵdarlamalaryna sáıkes júzege asyrylady.
8. Balabaqsha qyzmeti úsh jastan alty (jeti) jasqa deıingi balalarǵa arnalǵan mektepke deıingi tárbıe men oqytýdyń jalpy bilim beretin oqý baǵdarlamalaryna sáıkes júzege asyrylady.
9. Otbasylyq bóbekjaı qyzmeti otbasylyq tárbıe prınsı
pinde qurylady jáne balany tárbıeleý men oqytýdyń derbes tásilderin praktıkada iske asyrý arqyly mektepke deıingi bilim berýdiń jańa túrlerin damytý retinde qurylady;
10. Otbasylyq bóbekjaılar:
1) bir jastan alty (jeti) jasqa deıingi balalardy mektepke deıingi bilimmen qamtýdy keńeıtý;
2) otbasynyń tikeleı qatysýymen balalardy damytý jáne mektepke daıarlaý jáne damytý jaǵdaılaryn jasaý;
3) tárbıeleý men oqytýdy uıymdastyrýda ata-analardy konsýltatıvtik-ádistemelik qoldaýdy jan-jaqty damytý;
4) balalardyń áleýmettik beıimdelýi úshin qurylady.
11. Otbasylyq bóbekjaılar:
1) beıimdelýshi:
bir jastan bes jasqa deıingi balalar úshin;
2) jalpy damytýshy:
úsh jastan alty (jeti) jasqa deıingi balalar úshin;
3) balalardy úıde qaraý, kútý jáne damytý boıynsha:
bir jastan alty (jeti) jasqa deıingi balalar úshin bolyp bólinedi.
12. Otbasylyq bóbekjaıdy uıymdastyrý úshin jeke menshik sonymen qatar, jalǵa alynǵan páterler (úıler) paıdalanylady. Onda Sanıtarııalyq qaǵıdalarǵa sáıkes sharshy kólemin saqtaı otyryp oıyn jáne uıyqtaıtyn bólmeler, as úı ornastyrylady.
13. Otbasylyq bóbekjaı balalardyń bolý ýaqyty boıynsha 5 kúndik nemese 6 kúndik jumys aptasynyń rejıminde qyzmet etedi:
1) tolyq kún;
2) qysqa merzimdi bolý;
3) táýlik boıy bolatyn.
Ata-analardyń suraýy boıynsha (zańdy ókilderiniń nemese olardy almastyratyn tulǵalardyń) demalys jáne mereke kúnderi jumys uıymdastyrylýy múmkin.
14. Sanatorlyq bóbekjaı qyzmeti álsiregen, jıi jáne uzaq aýyratyn mektep jasyna deıingi bir jastan alty (jeti) jastaǵy balalarǵa arnalǵan emdeý-aldyn alý, saýyqtyrý baǵdarlamalaryna sáıkes júzege asyrylady.
15. Sanatorlyq bóbekjaılarda dárimen jáne fızıoterapııalyq emdeý, shynyqtyrý, emdik shynyqtyrý jáne aýrýdyń dıagnozyna baılanysty ýqalap emdeý júrgiziledi.
16. Sanatorlyq bóbekjaılar jumys rejımi boıynsha kúndizgi jáne táýlik boıy bolyp bólinedi.
17. Medısınalyq qyzmetkerler balalardyń densaýlyǵy men damý erekshelikterin eskere otyryp, pedagogter men ata-analarǵa jeke jáne saralanǵan ádis-tásilderin uıymdastyrýda kómek kórsetedi, aýrýlardyń aldyn alý maqsatynda balabaqshada jáne úı jaǵdaıynda rejımdi saqtaý qajettilikteri týraly usynymdar beredi.
18. «Mektep-balabaqsha» keshen (budan ári - Keshen) qyzmeti dara basshylyq jáne ózin-ózi basqarý prınsıpinde jáne úsh jastan on jeti jasqa deıingi balalar úshin mektepke deıingi tárbıe men oqytýdyń, mektepaldy daıarlyqtyń, bastaýysh, negizgi orta jáne jalpy orta bilimniń jalpy bilim beretin oqý baǵdarlamalaryn iske asyratyn tárbıeleý-bilim berý uıymy retinde qurylady.
19. Keshen bir jáne de birneshe bólek turǵan ǵımarattarda Sanıtarııalyq qaǵıdalary saqtalǵan jaǵdaıda ornalastyrylady.
20. Keshenniń mektepke deıingi toptaryna úsh jastan alty (jeti) jasqa deıingi balalar kúntizbelik jyl boıy turaqty nemese qysqa merzimge qabyldanady. Mektepaldy synyptarǵa aǵymdaǵy jyldyń 1 qyrkúıeginde 5-6 (7) jasqa tolǵan balalar qabyldanady.
21. Balalardyń sabaqtan bos ýaqytyndaǵy is-áreketi olardyń densaýlyq jaǵdaıynyń, qyzyǵýshylyǵynyń jáne qajettilikteriniń, onyń ishinde qarym-qatynastaǵy fızıologııalyq (uıqy, tamaqtaný, demalý, taza aýada bolý), tanymdyq, shyǵarmashylyq, qajettilikterin qanaǵattandyrý erekshelikterin eskere otyryp uıymdastyrylady.
22. Mektepke deıingi shaǵyn ortalyq (budan ári - Shaǵyn ortalyq) qyzmeti – bir jastan alty (jeti) jasqa deıingi balalardy tárbıeleý men oqytýdyń keshendi qarastyrý negizinde iske asyrylady jáne mektepke deıingi tárbıe men oqytýdyń, mektepaldy daıarlyqtyń jalpy bilim beretin oqý baǵdarlamalaryna sáıkes júzege asyrylady.
23. Úıdegi Shaǵyn ortalyqtardy uıymdastyrý úshin Sanıtarııalyq qaǵıdalarǵa sáıkes sharshy kólemi qoldanylady.
24. Shaǵyn ortalyq aptasyna 2 retten 7 retke deıin, kúnine 2 saǵattan 10 saǵatqa deıin, tańerteńgi saǵattarda, sondaı-aq, kúnniń ekinshi jartysynda da, ıkemdi kún tártibi boıynsha qyzmet atqarady. Mektepke deıingi Shaǵyn ortalyqtyń toptary jınaqtalýyna qaraı oqý jylynyń barysynda ashylady.
25. Túzeý úlgisindegi bóbekjaı men balabaqsha qyzmeti dene jáne psıhıkalyq damýynda aýytqýshylyǵy bar balalarǵa arnalǵan (sóıleý, kórý, estý, ıntellekt, tirek-qozǵalys fýnksııalarynyń kúrdeli jáne jeńilirek buzylystary bar, psıhıkalyq damýy tejelgen jıi jáne uzaq aýyratyn balalar, bastapqy týberkýlez ınfeksııasy bilingen, kishigirim jáne basylyp kele jatqan týberkýlezdiń nysandarymen aýyratyn) túzeý-damytýshy baǵdarlamalaryna sáıkes iske asyrylady.
Eskertý: Túzeý úlgisindegi mektepke deıingi uıymdarǵa qabyldaý
