Oral qalasynda prokýrorlar kezekti tekserý barysynda aýyl sharýashylyǵyn qoldaýǵa arnalǵan memlekettik baǵdarlamanyń óreskel buzylǵanyn anyqtady. Naqty aıtqanda, «Batys Poıma Agro» aýyl sharýashylyǵy óndiristik kooperatıviniń bastyǵy Armat Ahmetov kóktemgi dalalyq jumystar men egin orý naýqanyna bólingen qarjyny jymqyrǵan. Bul týraly «Astana» telearnasy habarlady.
Aıyptalýshy 19 dıqanǵa «Azyq-túlik kelisim-shart korporasııasy» bólgen 339 mln. 600 myń teńgeni alǵandyǵy týraly qol qoıǵyzǵan eken. Negizinde bul qarajatty A. Ahmetov bas paıdasyna jaratyp jibergen. Qazir ol qamaýǵa alynyp, Qylmystyq kodekstiń 176-babynyń birneshe tarmaǵy boıynsha qylmystyq is qozǵaldy.
Baqytbek Keneshuly.
