«Samuryq-Qazyna «UÁQ» AQ Basqarma tóraǵasy Ahmetjan Esimov qazirgi jaǵdaı barynsha mobılızasııalaýdy talap etetinin jáne portfeldik kompanııalarǵa birqatar tapsyrma bergenin atap ótti.
Qor basshysy shıkizat naryqtarynda qalyptasqan jaǵdaı ulttyq valıýta baǵamynyń álemdik rezervtik valıýtalarǵa turaqtylyǵyna qysym jasaǵanyn habarlady. Sonymen qatar álemde koronavırýstyń taralýy jalǵasýda, bul ekonomıkanyń keıbir salalaryna áser etedi.
A. Esimov «QTJ «UK» AQ júk tranzıti boıynsha josparlaryn oryndaýǵa koronavırýstyń tıgizgen yqpalyn atap ótti. Jolaýshylar tasymalynyń tómendeýi de baıqalady. 2020 jyldyń 1 aqpanynan bastap QHR-dan (Almaty-Úrimshi, Nur-Sultan-Úrimshi) TJ habarlamasy toqtatyldy.
Áýetasymaldaýda "Eır Astana" AQ-tyń Beıjiń, Úrimshi, Gonkong baǵytyndaǵy reısteri toqtatyldy, 1 naýryzdan bastap Ońtústik Koreıa, Baký reısteri qysqartyldy.
«Qazpochta» AQ-da koronavırýstyń 3 aılyq áserin eskere otyryp, 2020-2024 jyldarǵa arnalǵan Bıznes-jospar túzetildi, Qytaımen poshtalyq almasý toqtatyldy, 24 qańtardan bastap "Qorǵas" AEA jabyldy.
Barlyq portfeldik kompanııalarǵa kompanııalardyń uıymdyq qurylymyn tolyǵymen qaıta qaraý tapsyryldy. Eń aldymen, bul óndiristik qyzmetshiler quramy emes, ákimshilik basqarý personalyna qatysty bolýy kerek.
Jekeshelendirýdiń Keshendi josparynyń perımetrin, dıvestısııalardy naqtylaý, strategııalyq emes aktıvterden shyǵý jóninde usynystar engizý, sondaı-aq, aǵymdaǵy ınvestısııalyq jobalardy iske asyrýdy jalǵastyrý tapsyryldy.
Sondaı-aq Qor janyndaǵy Ortalyq shtabqa apta saıyn esep bere otyryp, árbir portfeldik kompanııada jedel áreket etý jónindegi jumys shtabtaryn qurý tapsyryldy.
