Keshe túnde Astananyń «Astana-Arena» sport kesheninde Chempıondar lıgasynyń tórtinshi raýndynyń birinshi oıynynda Qaraǵandynyń «Shahteri» men Glazgonyń «Seltık» komandalary kezdesip, jerlesterimiz 2:0 esebimen jeńiske jetti.
«Shahter» (Qaraǵandy, Qazaqstan) – «Seltık» (Glazgo, Shotlandııa) 2:0 (1:0)
20 tamyz. Astana. «Astana-Arena» sport kesheni. 30 000 kórermen.
Tóreshiler: Pavel Kraloves, Martın Vılchek, Antonın Kordýla (bári de - Chehııa).
«Shahter»: Aleksandr Mokın, Aleksandar Sımchevıch, Sergeı Malyı, Nıkola Vasılevıch, Aldın Djıdıch, Andreı Poryvaev, Andreı Fınonchenko (Igor Zenkovıch, 82), Roher Kanıas, Gedımıntas Vıchıýs, Gevorg Kazarıan, Sergeı Hıjnıchenko.
«Seltık»: Freızer Forster,Verdjıl van Dıık, Stıven Mýıokolo, Charlz Malgrıý, Emılıo Isagırre (Amıdý Balde, 82), Mıkael Lýstıg (Adam Metıýz, 67), Skott Braýn, Krıs Kammons, Djeıms Forrest, Gıorgos Samaras, Djo Ledlı.
Goldar: Andreı Fınonchenko (12), Sergeı Hıjnıchenko (77).
Eskertý: Stıven Mýıkolo (45).
Bul naǵyz «kórgende armanda, kórmegen de armanda» deıtindeı tartysty da qyzyqty oıyn boldy. Olaı bolatyn da jóni bar. «Seltık» - Eýropadaǵy eń beldi de bedeldi komandalardyń biri. О́ziniń bastaýyn sonaý1887 jylǵy 6 qarashadan alatyn klýb osy kezge deıin 43 márte óz eliniń chempıony, 34 ret Kýbok ıegeri atanǵan. Ol 1967 jyly kúlli Brıtanııa komandalary arasynda birinshi bolyp Eýropa chempıondary Kýbogyna (osy kúngi Chempıondar lıgasy) qol jetkizdi. Sol jyly Keńes Odaǵy atynan týrnırge qatysqan Kıevtiń «Dınamosyn» da jolaı súrip óte shyqqan ol fınalda Italııanyń «Mılanyn» 2:1 etip tize búktirgen. Al 1970 jyly osy Kýboktyń aqtyq aıqasynda Gollandııanyń «Feıenoordyna» 1:2 esebimen jol berip qoıdy. Bergi dáýirde osyndaı orasan zor tabystary bolmaǵanymen, «Seltık» ár jyldary ózine tıesili jeńisterine jetip, jemisterin terip keldi. Mine, Qazaqstan klýbtaryna buǵan deıin dál osy deńgeıdegi ujymmen ushyrasýdyń utymdy utyry týa qoıǵan joq edi. Osy jyly alǵash ret Chempıondar lıgasynyń eki kezeńin sátti ótkizgen kenshiler jasaǵy úshin mundaı qarsylaspen teketiresip, kúsh synasý taǵdyrdyń bergen ózgeshe syıy ispettes-tin. Sondyqtan qaraǵandylyqtar osy múmkindikti tıimdi paıdalanyp, shaıqasqa baryn salýǵa umtyldy.
«Seltıkti» 2010 jylǵy 25 naýryzdan beri osy klýbtyń óz túlegi, burynǵy jartylaı qorǵaýshy Nıl Lennon baptap keledi. 2012 jylǵy maýsymnan bul klýbtyń ǵumyr boıǵy basty básekelesi – Glazgonyń «Glazgo Reındjersi» qarjy tapshylyǵyna baılanysty premer-lıgada óner kórsetýin toqtatyp, úshinshi lıgaǵa ketti. Sodan beri «Seltık» el ishindegi chempıonatta ózine para-par keletin laıyqty qarsylas taba almaı otyr. Osydan qýat alǵan komanda endi halyqaralyq deńgeıde de baıaǵy tabystaryn qaıtalaýǵa qatty qulshynys bildirýde. Sondyqtan Nıl myrza týrnırdiń toptyq basty aıqastarǵa alyp baratyn bastapqy kezeńinde ózderine «Shahter» sıpatyndaǵy asa kúshti emes básekelestiń kezikkenine birden qýanysh bildirdi. Ol sonymen qatar ıini qashyq Qazaqstanǵa jetýden birshama seskenetinin de jasyra qoımady. Teginde osynyń bárinde shyndyqtyń shymy burqyrap jatsa kerek, qansha jerden qarsylasyn qalpaqpen uryp alatyndaı ses tanytqandarymen, «Seltık» shtaby bul matchqa aıryqsha kóńil bóle qarady. Munyń birinshi tarmaǵy retinde komanda Astanaǵa 18 tamyz kúni-aq ushyp jetti. Al sonyń aldynda ǵana jańa bastalǵan el birinshiliginde ol «Aberdındi» 2:0 etip jeńip shyǵyp edi.
Sonymen, kútken saǵatta, kútken mınýtta kútken oıyn da tabada erigen maıdaı dóńgelep ala jóneldi. Álbette, match bastalmaı turyp-aq mamandardyń kópshiligi onyń basty favorıti kim ekenin belgilep qoıǵan. Shamasy, buǵan kelispegender osy kúni stadıondy aýzy-murynan shyqqansha toltyrǵan naǵyz jankúıerlerdiń qalyń legi ǵana shyǵar. Tóreshi ysqyryǵy estilerden kóp buryn-aq komandany qoldaýlaryn bastap ketken fanattar búkil kezdesý boıyna sol aryndarynan qaıtqan joq. Olardyń qolpashtaýlary kenshilerdi udaıy alǵa súırep otyrǵanyn biz de baıqadyq. Al kezdesý, bizdiń kúni buryn qaýip etkenimizdeı, «Seltıktiń» qaýyrt shabýy lynan óris aldy. Alǵashqy sátterden alań ıelerin esten tandyryp tastaýǵa umtylǵan qonaqtar 3-mınýtta eki birdeı óte qaterli buryshtama berip úlgerdi. Ony óz aıyp alańynda qarsylastar shabýylynyń jolyn kesken Gedımıntas Vıchıýstiń saqtyq jasap, dopty qaqpa syzyǵynyń arǵy jaǵyna qaraı teýip jiberýi týyndatty. Charlz Malgrıýdiń oń qanattan alys buryshqa jetkizgen dobyna umtylǵan Aleksandr Mokın múlt ketip, aýa qarmap qaldy. Sol kezde eki birdeı kelt oıynshysynyń ony bos qaqpaǵa tastaı salatyn múmkindigi bolyp edi, biraq olardyń qarsy aldarynan shyǵa kelgen bizdiń qorǵaýshy komandany bul goldan der kezinde qutqaryp qaldy. Munyń sońy taǵy da buryshtamaǵa alyp bardy. Endi dop sol qanattan jetkizildi. Bul joly Krıs Kommons tastaǵan dopqa aıyp alańy ishinde Verdjıl van Deık buryn jetti. Onyń qaqpa baǵany astyna qaraı baspen urǵan dobyna Mokın áreń ıelik etti.
Osydan keıin ǵana «Shahter» óz-ózine kelip, baýyryn jazyp, alǵa qaraı shapqynshylyqqa shyǵa bastady. Olardyń oıyndarynda budan burynǵy Lıga matchtarynda baıqalǵan tabandylyq pen tyńǵylyqtylyq qaıta kórinis tapty. Endi kenshiler shabýyldary qaýipti bola tústi. Bulardyń deni qaraǵandylyqtar quramyndaǵy eń tájirıbeli oıynshy, komanda kapıtany Andreı Fınonchenko órbidi. Aldyn ala aıtyp qoıaıyq, onyń jetkizgen ótkir pastaryn alǵy sheptegi Sergeı Hıjnıchenko birde ózi qabyldaı almasa, birde onyń aldyn qarsylastar qorǵaýshylary kesip ketip jatty. Oıyndaǵy alǵashqy gol soǵylardyń aldynda da solaı boldy. Aldymen «Seltıktiń» shabýylshylary óte qaýipti joryqqa kóterilip, bizdiń jigitter taǵy bir syndarly sátten abyroımen shyǵyp ketti. Sol kezde aıaǵyna dop ilikken Fınonchenko ony oń qaptalmen alǵa zymyratty. Biraq dop Hıjnıchenkoǵa jetpedi. Ony jolaı Emılıo Isagırre qaǵyp jiberip, aýtqa jóneltti. Al dopty bizdiń Sergeı Malyı qaqpa alańyna qaraı áýelete aıdady. Apyraqtap qalǵan bizdiń jigitter ony tıimdi paıdalana almady da, qonaqtar syrtqa shyǵaryp úlgerdi. Ile-shala qaraǵandylyqtar sol qaptaldan da dop laqtyrý múmkindigin aldy. Oǵan taǵy da Malyı júgire basyp jetti. Osy kezden bastap baıqadyq, Sergeıdiń osylaı alystan áýelete laqtyrǵan doptary komanda oıynshylarynyń buryshtamadan tastaǵandarynan da qaýiptirek bolyp shyǵady eken. Mine, ol taǵy da qaqpa alańyna dopty qalqytyp jetkizdi. Ol birer soqqydan keıin Fınonchenkonyń aldyna kele qaldy. Mundaı múmkindikti qalt jiberetin Andreı me, ol asa qatty bolmasa da, aıryqsha bir senimmen dopty qonaqtar qaqpashysy janynan qaqpa toryna qaraı syrǵyta saldy. Gol!
Osy goldan keıin alańdaǵy kórinis kelbeti múldem ózgerip sala berdi. О́zin endi erkin sezingen «Shahter» artqa qaraı jaltaqtap, óz qaqpasy mańyna shoǵyrlanǵandy birjola qoıdy. Soǵan qaramastan, alańda bes qorǵaýshy ustaǵan bas jattyqtyrýshy Vıktor Kýmykov úsh jelili qorǵanys taktıkasynan aınyǵan joq. Sóz reti kelgende aıta keteıik, qonaqtar da bul oıynǵa bes negizgi qorǵaýshyny qoıdy. Biraq, bizden aıyrmashylyǵy, alańdaǵy besinshi qorǵaýshy – Mıkael Lýstıgti olar bul joly jartylaı qorǵaýshy retinde paıdalandy. Munyń esesine, keıin, ekinshi taımda bul oıynshyny almastyrǵanda, Nıl Lennon onyń ornyna taǵy bir qorǵaýshy – Adam Metıýzdi shyǵardy. Osy arqyly ol eseptiń ózderi úshin 0:1 bolyp turǵan qalpyna qanaǵattanatynyn bildirdi. Alaıda, arada 10 mınýt ótkennen keıin esep 2:0-ge jetkende, shotland koýchy bul shemadan taǵy bas tartyp, oıynǵa taǵy bir shabýylshy – Amıdý Baldeni qosyp, Gıorgıos Samaras pen Djo Ledlı úshtigin qurdy. Bizdiń baǵymyzǵa qaraı, bul úsheýi ózderiniń aldaryna qoıylǵan zor mindetti aqyry oryndaı almady.
Degenmen, «Shahterdiń» qaqpasy aldynda qaýipti sátterdiń týýy toqtala qoımady. Máselen, sondaı joryqtardyń birinde Krıs Kommons alystan qaqpaǵa dop baǵyttady. Sonshalyqty kúshti soqqymen ushqan dop sol boıy mańdaıshany solq etkizip baryp, keıin serpildi. Endi bolmaǵanda, qaqpaǵa kirip kete jazdaǵan sol dopty Aleksandr Mokın shap berip ustaı aldy. Munyń artynda kenshiler qaýyrt shabýylǵa kóshti. Nátıjesinde Aleksandar Sımchevıch aıyp alańyna jap-jaqsy etip dop jetkizdi. Ony sol jerde Sergeı Malyı qaǵyp alyp, qaqpaǵa baspen urdy. Onysy mańdaıshadan sál ǵana joǵary ushyp ótti. Keltterdiń qorǵanys júıesi qarsylastarynan tap mundaı shalt qımyldardy kútpese kerek, olar edáýir abyrjyp qaldy. Taǵy bir atap ótetin jaıt, oıynnyń óne boıynda bizdiń qos shabýylshydan bólek (Fınonchenko, Hıjnıchenko), jartyl
