Otyrys barysynda ǵalymdar Til saıasaty komıtetiniń álipbıdi jetildirýge qatysty elimizdiń barlyq óńirinde, joǵary oqý oryndarynda, mektepterde ótkizgen álipbıdi jetildirýge baılanysty synama jáne talqylaý, saýalnama nátıjelerimen tanysty.
Keńeste ǵalymdar álipbı quramyna s, w, h tańbalaryn engizý qajet pe, s, ch dybystaryna tańba arnaýdyń ózektiligi qandaı, ı, i jáne ń dybystarynyń tańbasyn jeke-jeke qaıtadan qarastyrý durys pa degen máselelerdi talqylady.
Ǵalymdar ń dybysyn oqýǵa, jazýǵa yńǵaıly n tańbasynyń ústine tılda berip, klassıkalyq úlgide paıdalaný durys dep sheshti. Degenmen álipbıge C qarpin engizý, S (sı) dybysymen S áripin tańbalaý nemese ony álipbıge múlde engizbeý týraly máselede ǵalymdar pikiri ekige jaryldy. Bul másele áli de talqylanatyn bolady.
Sondaı-aq W,X,C dybystaryn álipbıge kirme sózderdi paıdalaný úshin qosymsha dybystar retinde alýdy jáne pernetaqtada ornalastyrýdy durys dep sheshti. Álipbıdegi basqa dybystar, tańbalar Ulttyq komıssııa janyndaǵy tórt jumys toby ǵalymdary maquldaǵan qalypta qaldyryldy.
Álipbıdi jetildirý jumystary jalǵasady. Keıbir pikir qaıshylyǵyn týdyrǵan dybystarǵa baılanysty saraptaýlar jasalynady.
Jetildirilgen álipbı jobasy tolyq talapqa saı bolǵanda Úkimettegi Ulttyq komıssıanyń qaraýyna usynylatyn bolady.
