Otyrysty ashqan ol aldymen koronovırýsqa qarsy memleketimizde jasalatyn saqtyq sharalary týraly aıtty. Sonyń ishinde mektep oqýshylarynyń 16 naýryzdan bastap kanıkýlǵa shyǵatyndyǵy, JOO-lar men kolledjderdegi oqýlar onlaın rejimge kóshiriletindigi, Naýryz meıramyn atap ótý jyldaǵydaı kóshelerde bolmaıtyndyǵy, mýzeılerge ekskýrsııalar jasalmaıtyndyǵy jáne t.b. aıta kelip ol: «Qazaqstanda eshqandaı koronovırýs joq. Munyń bári aldyn alý sharalary. Qazaqsha aıtqanda «saqtyqta – qorlyq joq» degen talaptyń oryndalýy. Sondyqtan eshqandaı dúrbeleńge, alyp qashpa sózderge jol berilmesin», dep qatań eskertti. Sonymen birge ol baǵany esh negizsiz arttyrýdyń joldary kesiletindigin de atap aıtty. «Barlyq saýda júıesi baǵany negizsiz sharyqtatýǵa qarsy qurylǵan shtabtyń nazarynda bolady», dedi ákim.
Ústimizdegi jyldyń eki aıynyń qorytyndylaryna qaraǵanda oblystyń áleýmettik-ekonomıkalyq damýy qalypty jaǵdaıda ekendigi kórinip tur. Oblys ákimdiginiń ekonomıka basqarmasynyń bastyǵy A.Qazbekovtyń baıandamasyna qaraǵanda damý ótken jyldyń sáıkes merzimimen salystyrǵanda 102,6 paıyz bolǵan. Sonyń ishinde turǵyn úılerdi paıdalanýǵa berý 7., qurylys qarqyny 5,2 paıyzǵa artqan. О́ndiriske salynǵan ınvestısııa kólemi de 6,6 paıyzǵa ósken. Alaıda salynǵan ınvestısııanyń negizgi bóligi syrttan emes, óndirisshilerdi óz qarajaty eken. Aýylsharýashylyǵy ónimderi de sońǵy eki aıda byltyrǵy jyldyń sáıkes merziminen 2,6 paıyzǵa artqan. Mal basy da óse túsken, sonyń ishinde qara mal 3,9., qoı 4., jylqy sany 6,6 paıyzǵa artypty.
Otyrysty oblys ákimi Q.Aqsaqalov qorytyndylap, damý qarqynyn tómendetpeý boıynsha otyrysqa tikeleı qatysqandar men onlaın rejiminde tyńdap otyrǵandarǵa naqty tapsyrmalar berdi.
Soltústik Qazaqstan oblysy
