Qorytyndysynda №2 Ekibastuz qalalyq emhanasy, Ýspen aýdandyq aýrýhanasy, Jelezın aýdandyq aýrýhanasynda rentgenolog dárigerler ókpe patologııasyn ótkizip alǵandyǵy anyqtalǵan.
О́tken jyly óńirde týberkýlez dertine shaldyǵý kórsetkishiniń kóbeıgeni Aqtoǵaı, Ýspen aýdandarynda, Ekibastuz qalasy aýmaǵynda baıqalǵan.
Mysaly, oblys ortalyǵynda 6, Ekibastuzda 4, Baıanaýyl, Tereńkól jáne Pavlodar aýdandarynda bir-birden jasóspirimder týberkýlezge shaldyqqan. Bul kórsetkishter profılaktıkalyq tekserý sharalarynda, medısınalyq kómek kórsetý kezinde anyqtalǵan
Oblys ortalyǵyndaǵy Týberkýlezge qarsy balalar sanatorııinde 694 jasóspirim tekserilgen. Qazirgi ýaqytta 117 bala emdelýde.
Buǵan ata-analar arasynda túsindirý jumystarynyń júrgizilmeýi, jergilikti ákimdikterdiń turǵyndar densaýlyǵyn baqylaýǵa almaýy sebep.
О́tken jyly 17 myńǵa jýyq balaǵa týberkýlezge qarsy ekpe salynǵan. Bıyl BSJ vaksınasy ata-analary qarsylyq bildirgen soń, 161 jańa týǵan sábıge salynbaǵan.
Tekseris barysynda, memlekettik pedagogıkalyq ýnıversıteti, tehnolo-gııalyq kolledj, Y.Altynsarın gımnazııa-ınternaty, №30 orta mektebine mamandar mindetti medısınalyq tekserýden ótpeı, jumysqa qabyldanǵan.
Sonymen qatar, qyzmetkerlerdiń arasynda flıýorografııadan ótpegender de anyqtalǵan.
Qazirgi ýaqytta oblystyq týberkýlezge qarsy dıspanserde 660 adam ashyq formamen esepke alynǵan. Derttiń aldyn alý maqsatynda ótkizilgen jumystar Pavlodar qalasy, Aqtoǵaı, Jelezın, Ýspen, Sharbaqty jáne Pavlodar aýdandarynda óz deńgeıinde júrgizilmegen.
Sonymen birge, týberkýlez aýrýy bosanǵan áıelderdiń arasynda da kóbeıgen. О́tken jyly 6 jaǵdaı tirkelipti.
Buǵan naýqastardyń ýaqytyly flıýoro tekserýden ótpeýi, materıaldyq-turmystyq jaǵdaıdyń tómendigi, turǵylyqty mekenjaılaryn jıi aýystyrýy sebep bolýda.
Al 24 naýryz – Búkilálemdik týberkýlezben kúres kúni. Elimizdiń osy indetke qarsy Ulttyq baǵdarlamasyna saı árkim ózin qorǵaýǵa mindetti.
Pavlodar oblysy
