Keńeste oblystyq densaýlyq saqtaý basqarmasynyń 2016-2019 jyldarǵa arnalǵan «Densaýlyq» memlekettik baǵdarlamasy aıasynda atqarylǵan sharalary baıandalyp, aldaǵy josparlanǵan máseleler qaraldy.
«Baǵdarlama barysynda oryndalmaı turǵan basty basymdyq - óńirde dárigerlerdiń jetispeýi. Qazir aýrýhana, emhanalarǵa 24 jalpy praktıka dárigeri qajet. Oǵan qosa, suranysqa qajet 40 dárigerdiń orny bos tur.
Al, zeınet jasyndaǵy jáne bıyl zeınet demalysyna shyqqan dárigerlerdiń qyzmetten ketýin qosqanda - 142 dáriger kerek.
Byltyr «Dıplommen aýylǵa!» baǵdarlamasymen kelgen 205 jas maman ózderine páter berýdi, jeńildikter jasalýyn kútýde.
Sondyqtan aýdan-qala ákimderi jas maman dárigerlerdi úımen qamtamasyz etý máselesin qolǵa alýlary tıis, - dedi Á.Sqaqov.
Endi elimizdiń Densaýlyq saqtaý mınıstrliginiń bastamasymen, memlekettik grantpen oqyǵan ár jas maman 3 jyl medısınalyq uıymdarda qyzmet atqarýǵa mindetteldi. Sonda ǵana jas mamandardyń sany artady.
Basqarma basshysynyń orynbasary Gúlnar Jarmakına óńirimizge akýsher-genekolog, reanımatologtar, jalpy tájirıbedegi dárigerler qajettigin aıtyp, aýylǵa baratyn jas dárigerlerge 1,5 mıllıon teńge, qaladaǵy mamandarǵa 1 mıllıon teńge kóleminde kótermeaqy berýdi usyndy.
Pavlodar oblysy
