Solardyń qatarynda qazaqstandyq jankúıerlerdiń de taǵatsyzdana kútken jekpe-jekteri bar. Máselen, 28 naýryzda Kanadanyń Kvebek qalasynda qos qandasymyz sharshy alańǵa shyǵýǵa tıis edi. Atap aıtsaq, WBC Continental Americas pen WBO Global nusqalary boıynsha orta salmaqtaǵy altyn belbeýlerdiń ıegeri Jánibek Álimhanuly (8-0, 4 KO) Gana boksshysy Issa Samırmen (18-0, 15 KO), al Aıdos Erbosynuly (13-0, 9 KO) rıng qojaıyny Tım Kronınmen (12-4-2, 3 KO) kúsh synasady dep josparlandy. Ekinshi orta salmaqtaǵy Aıdostyń da qarqyny óte kúshti. Qazirgi kezde ol WBC Asia, WBA International jáne WBO Global nusqalary boıynsha chempıondyq ataqtyń ıegeri.
Sondaı-aq 17 sáýirde AQSh-tyń Okson-Hıll qalasynda jartylaı orta salmaqtaǵy qazaqtyń maqtanyshy Danııar Eleýsinov (9-0, 5 KO) Namıbııanyń myqtysy, álemniń eks-chempıony Djýlıýs Indongomen (23-2, 12 KO) aıqasady dep kútkenbiz. Biraq koronavırýsqa baılanysty bul jarys ta keıingi shegerildi.
