Shymkent qalasynyń bilim basqarmasyna qarasty barlyq bilim berý uıymdary pandemııa kezeńinde bilim berý uıymdarynda, jetim balalarǵa jáne ata-anasynyń qamqorlyǵynsyz qalǵan balalarǵa arnalǵan uıymdarda COVID-19 koronavırýstyq ınfeksııanyń taralýyna jol bermeý sharalaryn kúsheıtý týraly bilim basqarmasynyń 2020 jylǵy №143 buıryǵy shyǵarylyp, qatań baqylaýǵa alyndy, jumystar atqarylýda.
Qazirgi tańda atalǵan buıryqqa sáıkes mektepke deıingi mekemeler shtattyq rejımde jumys jasaýda. Sonymen qatar, balalardyń ata-analary men zańdy ókilderiniń tilegi boıynsha erkin barý rejımi qaralǵan jáne balalar bolmaǵan jaǵdaıda da mektepke deıingi uıymdarda bala ornynyń saqtalýy qamtamasyz etilgen.
Shymkent qalasynda mektepke deıingi 521 uıym jumys isteıdi. Onda 64 563 balalar tárbıelenýde.
17 naýryz kúni jalpy 20 342 bala (31,5 paıyz) mektepke deıingi uıymdarǵa keldi (kelmegeni - 44 218 bala). Onyń ishinde 79 memlekettik balabaqshaǵa – 3115 bala, 439 jekemenshik balabaqshaǵa 17227 bala keldi.
Mektepter boıynsha
Bilim alýshylar men tárbıelenýshilerdiń, pedagogterdiń, bilim berý uıymdarynyń basqa da qyzmetkerleriniń ómiri men densaýlyǵynyń saqtalýyn qamtamasyz etý maqsatynda mektep oqýshylary 2020 jyldyń 16 naýryzdan bastap 5 sáýirge deıin kóktemgi kanıkýlǵa jiberildi. Kóktemgi demalys ýaqytynda pedagogterge shettetilgen rejımde (bilim berý uıymynan tys) jumys isteý júzege asyrylýda.
Mektep pedagogtary boıynsha
Oqýshylardyń kóktemgi kanıkýl kezeńindegi pedagog qyzmetkerlerdiń aılyq jalaqysy QR Úkimetiniń «Azamat qyzmetshilerge memlekettik bıýdjet qarajaty esebinen ustalatyn uıymdarynyń qyzmetkerlerine, qazynalyq kásiporyndardyń qyzmetkerlerine eńbekaqy tóleý júıesi týraly» 2015 jylǵy 31 jeltoqsandaǵy №1193 qaýlysyna sáıkes kanıkýl bastalar aldyndaǵy tarıfteý kezinde (qosymsha aqy esebimen) belgilengen aılyq jalaqy esebinen júrgiziledi.
Sonymen qatar, demalys kezeńinde balalardyń qaýipsizdigin qamtamasyz etý, oqýshylar tarapynan jasalatyn qylmystyq is-árkettiń aldyn alý boıynsha arnaıy is qımyl algorıtmi daıyndalyp bekitilip, bilim uıymdarynyń birinshi basshylaryna tanystyryldy. Demalys kezinde oqýshylar ýaqytyn tıimdi paıdaný maqsatynda tanymdyq baǵdarlamalar jasaldy.
Bilim berý, oqý-tárbıe qyzmetin júzege asyratyn bilim berý uıymdary, onyń ishinde ınternattarda, jataqhanalarda sanıtarııalyq-epıdemıologııalyq jáne aldyn alý is-sharalaryn kúsheıtý boıynsha sharalar qabyldandy.
JOO men kolledjder
2020 jylǵy 16 naýryzdan bastap JOO men tehnıkalyq jáne kásiptik, orta bilimnen keıingi uıymdarynda oqý prosesin iske asyrýǵa múmkindik beretin qashyqtan bilim berý tehnologııalarymen oqytý qamtamasyz etildi. Pandemııa kezeńinde koronavırýstyq ınfeksııanyń taralýyn aldyn alý maqsatynda tehnıkalyq jáne kásiptik, orta bilimnen keıingi bilim berý uıymdarynda oqý prosesin uıymdastyrý boıynsha ádistemelik usynymdar taratylyp berildi.
JOO
Shymkent qalasyndaǵy 10 JOO-da (3 memlekettik – 35 913, 7 jekemenshik - 70 810) 106 723 stýdent oqıdy. Barlyq JOO stýdentterine qashyqtyqtan oqytý uıymdastyrylǵan.
Barlyq JOO-da «Platonýs», «Prometeı», «Ýnıver». «IIS VÝZ», «Mýdl» jáne t.b. platformalar ornatylǵan.
KOLLEDJDER
Shymkent qalasyndaǵy 30 kolledjde (11 memlekettik – 12 422, 19 jekemenshik- 12 826) 25 248 stýdent oqıdy.
24 kolledjde (11 memlekettik, 13 jekemenshik) College SmartNation, Portal, Platonýs platformalar ornatylǵan.
Qalǵan 6 jekemenshik kolledjde (Asyloı, Aımaqaralyq gýmanıtarlyq-tehnıkalyq, OQ medısına, Azımed, Shymkent kópsalaly, Jalyn) College SmartNation platformasy búgin 20:00-ge deıin ornatylady.
Qazirgi tańda College SmartNation aqparattyq júıesin avtorızasııalaý maqsatynda málimetterdi ımporttaý prosesi júrip jatyr. Buǵan qosa 2 jekemenshik kolledjdiń (Aımaqaralyq gýmanıtarlyq-tehnıkalyq kolledj, Ońtústik Qazaqstan medısına kolledji) Internet jyldamdyǵy 30 mb/s-dan tómen. Kolledj ákimshiligi tarapynan «Qazaqtelekom» AQ-na hattar joldanǵan, búgin 20:00-ge deıin sheshiletin bolady.
Qazirgi tańda 35 stýdent kásiptik jáne dıplomaldy praktıkada.
Qazaqstan Resýblıkasynyń aýmaǵynda koronavırýstyq ınfeksııanyń paıda bolýy men taralýyna jol bermeý jónindegi vedomstvoaralyq komıssııanyń 2020 jylǵy 12 naýryzdaǵy otyrysynyń hattamasyna sáıkes ýaqytsha shekteýler kezeńinde bilim berý mekeme qyzmetkerleriniń úsh toby boıynsha jumys atqarady.
I top – jumys ornynda mindetti túrde qatysa otyryp, uıymnyń jumysyn qamtamasyz etýmen aınalysatyn;
II top – eńbek fýnksııalaryn qashyqtyqtan rejımde oryndaıtyn;
III top – jumys berýshilerdiń tıisti aktilerin qabyldaı otyryp, aqyly demalys nemese aqysyz demalysta.
Karantındik is-sharalar kezinde qashyqtyqtan jumys nemese aqyly demalys nysanyna kóshý kezinde jalaqy tóleýdi qamtamasyz etiledi.
Sonymen qatar, karantınge nemese shekteý sharalaryna kóshý kezinde memlekettik bilim berý tapsyrysy bar uıymdarǵa (balabaqshalar, JOO, mektepter) shtat rejımine sáıkes qarjylandyrýdy qamtamasyz etiledi.
