Tamaqtyq tuz óndirýshi «Araltuz» kásipornynyń resmı dıstrıbıýteri bolyp tabylatyn «Soltrest» JShS Reseıdiń búgingi tańdaǵy eń iri «Magnıt» saýda jelisine ónim jetkizip berý týraly kelisimge qol qoıdy.
Tamaqtyq tuz óndirýshi «Araltuz» kásipornynyń resmı dıstrıbıýteri bolyp tabylatyn «Soltrest» JShS Reseıdiń búgingi tańdaǵy eń iri «Magnıt» saýda jelisine ónim jetkizip berý týraly kelisimge qol qoıdy.
«KAZNEX INVEST» eksport jáne ınvestısııalar ulttyq agenttigi» AQ-tyń yqpal etýimen qol jetkizilgen ýaǵdalastyqqa sáıkes 2018 jyldyń sońyna deıin kompanııa kórshi el rynogyna 250 mıllıon Reseı rýbliniń ónimin jetkizetin bolady.
Osylaısha, «Soltrest» JShS reseılik rıteılerdiń bas ofısimen kelisimshart jasasqan alǵashqy qazaqstandyq tuz ónimin jetkizýshi bolyp otyr. Kompanııa úshin bul federaldyq rynokta ózine uzaq merzimge oryn tabý jáne bútindeı alǵanda, qazaqstandyq taýarlardyń áleýetin kórsetýde aıtarlyqtaı múmkindik bolyp tabylady.
«Magnıtpen» kelisim jasamas buryn uzaq kelissózder júrgizýge týra keldi, biraq «KAZNEX INVEST» AQ-pen birlese otyryp biz oǵan qol jetkizdik. Bizdiń kompanııa qazaqstandyq taýarlardyń reseılik rynokta básekege qabiletti ekenine jáne saýda oryndarynda jergilikti ónimderdi yǵystyryp shyǵarý qolynan keletinine taǵy bir kóz jetkizdi. Biz bul baǵyttaǵy jumystarymyzdy odan ári de jalǵastyra bermekpiz. Máselen, taıaý ýaqyttarda qazaqstandyq tuzdy Birikken Arab Ámirlikteri men Japonııa rynoktaryna shyǵarmaq oıymyz bar, deıdi «Soltrest» JShS-nyń kommersııalyq dırektory Qaırat Aldabergenov.
«Egemen-aqparat».
