Almaty qalasynyń syrtqy perımetri boıynsha 27 blok-beket qoıylady. Sonymen qatar juqtyrý oshaǵynyń aımaqtary anyqtalyp,
sol jerde dezınfeksııa men sanıtarlyq-epıdemıologııalyq baqylaý sharalary júrgizilýde.
«Qalada koronavırýsty juqtyrý oshaqtary bar. Basty mindet –juqtyrý tizbegin buzý, karantın rejımin saqtaý, qalada vırýstyń taralýyna jol bermeý jáne ony basqa óńirlerge eksporttaýǵa shekteý qoıý», – dep atap ótti ákimniń orynbasary Erjan Babaqumarov.
Juqtyrý oshaqtaryn oqshaýlaý quqyq qorǵaý organdarynyń, sanıtarlyq-epıdemıologııalyq qyzmettiń, medısınalyq uıymdardyń, aýdan ákimdikteriniń jáne PIK kúshimen birlesip júrgiziletin bolady. Karantın kezinde oshaq turǵyndaryna 14 kúnnen kem emes ózin-ózi oqshaýlaý qajet. Juqtyrý oshaǵynyń aımaqtarynda baqylaý-ótkizý pýnktteri ornatylady. Karantındik aımaqtyń ishinde qozǵalysty shekteý kózdelgen.
Medısına qyzmetkerleri oshaq aımaǵynda turatyn adamdardyń densaýlyǵy boıynsha monıtorıng júrgizetin bolady.
Oshaq aımaǵynda dúkender men dárihanalardyń jumysy, sondaı-aq karantındegi páter/úılerge qyzmet kórsetetin bekitilgen áleýmettik qyzmetkerler de (azyq-túlik, dári-dármek jáne birinshi kezekte qajetti zattardy jetkizý, kommýnaldyq qyzmetterdi tóleý, kredıtter jáne t.b.) kómekke kelmek. Qajettiligine qaraı medısınalyq jáne qajet bolǵan jaǵdaıda apattyq qyzmet júıesimen de qamtamasyz etiledi.
Sonymen qatar, aýdandyq ákimdikter halyqtyń áleýmettik osal toptaryna kiretin tulǵalarǵa kómek kórsetedi.
Aýdan ákimdikterine sondaı-aq oshaqtyń aımaǵynda turatyn qala turǵyndarynyń arasynda koronavırýstyq ınfeksııa qozdyrǵyshy jáne soǵan qarsy júrgiziletin sharalar týraly túsindirý jumystaryn júrgizý tapsyryldy. Ol úshin aýdandyq ákimdikterdiń ókilderi PIK-pen, áleýmettik qyzmetkerlermen birlesip aýmaqty aralap shyǵady.
Sonymen qatar, koronavırýstyq ınfeksııany baqylaýdyń kúrdeliligin eskere otyryp, COVID-2019 oshaqtary aımaǵynyń turǵyndaryna Almaty qalasynyń Bas memlekettik sanıtarlyq dárigeriniń qaýlysyna sáıkes ózin-ózi oqshaýlaý rejımin saqtaý qajet.
Koronavırýstik ınfeksııany juqtyrǵan naýqastarmen baılanysta bolǵan azamattar
otbasynda, jumys (oqý orny) boıynsha SOVID-2019 juqtyrǵan aýrýlarmen sońǵy baılanysta bolǵan sátten bastap ınkýbasııalyq kezeń merzimine (14 kún) ózin-ózi oqshaýlaýdyń qatań rejımin saqtaý qajet. (Kóshege shyqpaı, úı karantıninde bolý);
Otbasynyń barlyq músheleriniń densaýlyǵyna baqylaý júrgizý;
JRVI belgileri (tumaý, dene qyzýynyń kóterilýi, jótel) paıda bolǵan jaǵdaıda jedel járdem brıgadasyn úıge shaqyrý kerek.
Almaty qalasynyń turǵyndary mindetti túrde:
Qazaqstan Respýblıkasy Prezıdentiniń Jarlyǵyna sáıkes jáne Almaty qalasy ákiminiń qaýlysy boıynsha tótenshe jaǵdaı rejımin qatań saqtaý;
Qajettilik týyndamasa, kóshelerge shyqpaý jáne qoǵamdyq kólikke otyrmaý;
О́z densaýlyǵy men otbasy músheleriniń jaǵdaıyn baqylaý;
JRVI belgileri (tumaý, dene qyzýy, jótel) paıda bolǵan jaǵdaıda jedel járdem brıgadasyn (ýchaskelik dárigerdi) úıge shaqyrý;
Tamaq ónimderi men dárilik zattardy satyp alý úshin tek aýdan ákimdikteri belgilegen saýda núkteleri men dárihanalarǵa barý kerek.
Buǵan deıin Prezıdent janyndaǵy Tótenshe jaǵdaı rejımin qamtamasyz etý jónindegi memlekettik komıssııanyń sheshimimen Almaty qalasynyń aýmaǵynda Almaty qalasynda qosymsha shekteý, indettiń aldyn alý jáne epıdemııaǵa qarsy sharalar engizildi. 2020 jyldyń 19 naýryzynda saǵat 00.00-den bastap Almatyda epıdemııaǵa qarsy aýqymdy sanıtarlyq is-sharalardy júzege asyrý arqyly karantın engiziledi.
