«QazTransGaz» AQ kompanııalar tobynda daǵdarystyq jaǵdaılardy basqarý jáne koronavırýs ınfeksııasynyń taralýyna jol bermeý boıynsha shtab quryldy. Bul oraıda barlyq óndiristik prosester, gaz óndirý, otandyq tutynýshylarǵa jáne eksportqa gaz jetkizý shtattyq rejimde júzege asyrylyp jatyr. Magıstraldyq gaz qubyrlary arqyly gaz tasymaldaý jáne tranzıtteý josparlanǵan kólem aıasynda júrgizilýde.
Jumyskerlerdiń qaýipsizdigi men irkilissiz jumysty qamtamasyz etý ulttyq gaz operatory úshin basymdyq bolyp tabylady.
«QazTransGaz» AQ qyzmetkerleriniń arasynda qaýipti ınfeksııanyń taralýyna jol bermeý maqsatynda Qazaqstan Respýblıkasynyń aýmaǵynan tys jerge, sondaı-aq Qazaqstan Respýblıkasynyń aýmaǵy boıynsha da barlyq issaparǵa tyıym salynǵan.
Barlyq buqaralyq is-shara ótpeıtin boldy, buıryqtarǵa, qyzmettik jazbalarǵa, sharttarǵa jáne ózge de qujattarǵa elektrondy qujat aınalymy júıesinde qol qoıý arqyly elektrondy qujat aınalymyna tolyqtaı kóshirý júzege asyryldy.
Kompanııalar tobyndaǵy ákimshilik qyzmetkerlerdiń 50%-dan astamy qashyqtan jumys isteý tártibine aýystyryldy. Qashyqtan jumys isteıtin qyzmetkerlerdiń rotasııa kestesi, jumys kúniniń bastalýy men aıaqtalý ýaqyty aıqyndaldy.
Ofıstik jáne óndiristik úı-jaılardy dezınfeksııalaý men óńdeý júrgizilýde. Qyzmetkerler arasynda jeke gıgıena sharalaryna qatysty túsindirý jumystary da júrgizilip jatyr.
О́ndiriste adam kóp jınalatyn jerlerdi dezınfeksııalaý, sondaı-aq jumyskerlerdiń temperatýrasyn ólsheý júzege asyrylyp turady.
Kompanııa qyzmetkerlerine JRVI belgileri biline bastaǵanda jumysqa barýdan bas tartý, jedel túrde dárigerge kórinip, tolyq saýyǵyp ketkenge deıin syrqattaný qaǵazyn ashýǵa usynys berildi.
Osyndaı sharalar ulttyq gaz operatorynyń barlyq enshiles jáne táýeldi uıymdarynda da qabyldandy.
2020 jylǵy 18 naýryzdaǵy jaǵdaı boıynsha koronavırýs ınfeksııasyn juqtyrǵan qyzmetkerler anyqtalǵan joq.
Aızere SAMARQAN
