Keshe Soltústik Qazaqstan oblysy TJ departamentiniń bastyǵy Ramıl Kamalov Aıyrtaý aýdanyna jumys saparymen baryp, aýdandaǵy eldi mekenderdiń sý tasqynyna qarsy sharalarynyń barysymen tanysty. Bul aýdan tabıǵattyń dúleı kúshimen talaı ret alysqan, sondyqtan oǵan qarsy sharalar jergilikti atqarýshy organdar men TJ departamentiniń únemi nazarynda bolyp keledi.
TJ departamentiniń bastyǵy R.Kamalov jańadan taǵaıyndalǵan aýdan ákimi D.Ámrınmen birge Imantaý, Konstantınovka, Gýsakovka aýyldaryna bardy. Osy aýyldar aýmaǵyndaǵy Babyq Burlyq, Osınovkı ózenderiniń sý ótkelderi men kópirleriniń aǵystyń kúshine tótep bere alý múmkinshiligimen tanysty. Jalpy birshama jumys istelgenimen, keıbir sý ótkelderiniń arshylmaı jatqanyna atqaminerler qynjylys ta bildirdi. Osy tarapta tıisti qyzmetkerlerge eskertýler men tapsyrmalar berildi.
«Bizdiń eń basty mindetimiz - aýyl turǵyndarynyń amandyǵyn saqtaý. Ol úshin qarǵyn sýdyń apatyn bar kúshimizdi salyp boldyrmaýǵa tyrysýymyz kerek» dedi Ramıl Kamalov.
Soltústik Qazaqstan oblysy,
Aıyrtaý aýdany
