Oblys pen qala shektesetin jerde barlyǵy 27 beket ornatyldy. Munda polısııa men Qorǵanys mınıstrliginiń áskerı qyzmetshileri, Taýarlar men qyzmetterdiń sapasy men qaýipsizdigin baqylaý departamentiniń, fıto- jáne veterınarııalyq baqylaý departamentiniń mamandary qyzmetin bastady.
Jalpy qyzmet kórsetý úshin qajettiniń bári bar. Kezekshilik birneshe aýysym boıynsha uıymdastyrylyp, júrgizilmek. Almaty oblysyndaǵy áriptesterimiz respýblıkalyq mańyzy bar barlyq trassalar men eldi-mekenderden shyǵatyn joldarǵa qala shekarasynan bes shaqyrym radıýsta qosymsha blok-beketter qoıdy. Bul – oblys turǵyndaryna qalanyń jabylǵany týraly eskertý úshin jasalǵan.
Koronavırýs indetiniń shegi joq. Pandemııaǵa tótep berýdiń jalǵyz joly – taralý tizbegin toqtatý. Qalany jabý – sondaı sharanyń biri ǵana. Qalada juqtyrý oshaǵy anyqtalǵan aımaq birden oqshaýlaýǵa alynady. Qala men kórshiles oblys turǵyndarynyń nazaryna tynyshtyqty saqtap, belgilengen erejeni saqtaıyq degim keledi. Sabyr saqtap, shydamdylyq tanytaıyq. Bul qıyndyqty birge eńsereıik.
ALMATY
