Keshe L.N.Gýmılev atyndaǵy Eýrazııa Ulttyq ýnıversıtetinde «Sapaly bilim men tárbıe – Qazaqstannyń memlekettik saıasatynyń basymdyǵy» degen taqyrypta respýblıkalyq tamyz keńesi ótti.
Keshe L.N.Gýmılev atyndaǵy Eýrazııa Ulttyq ýnıversıtetinde «Sapaly bilim men tárbıe – Qazaqstannyń memlekettik saıasatynyń basymdyǵy» degen taqyrypta respýblıkalyq tamyz keńesi ótti.
Jańa zamandaǵy bilim qandaı deńgeıde bolý kerek, ol deńgeıge jetý úshin aldymen nendeı kemshilikterdi túzep, qaısy bir máselelerdi sheshý qajet degen turǵyda ótkizilgen bul keńeske Astana men Almaty qalalarynan, oblystardan kelgen delegattar, memlekettik jáne úkimettik emes uıymdardyń, balalar quqyn qorǵaý departamentteriniń basshylary, Parlament depýtattary, halyqaralyq uıymdardyń ókilderi qatysty.
Bilim men tárbıe – egiz. Sondyqtan bilimge qatysty úlken jıyndardyń barlyǵynda balany qalyptastyratyn alǵashqy orta – balabaqshalardyń jaı-kúıi birinshi kezekte qarastyrylady. Bilim jáne ǵylym mınıstri Baqytjan Jumaǵulovtyń baıandamasynda da balabaqshalarǵa qatysty máseleler keńinen qamtyldy. Mektepke deıingi daıarlyqtyń jańa sapasyna kóshý, mektepke deıingi oqytýda jaǵymsyz qubylystardy joıý qajettigi aıtyldy. «Biz balalardy erte oqytýǵa kóshýdiń álemdik tájirıbesin meńgerýimiz qajet. Ony synaqtan ótkizip, otandyq ázirlemelerdi jasaý kerek. Halyqaralyq sarapshylar bizdiń áli de bolsa balalardyń erekshe senzıtıvtigine mán bermeıtinimizdi aıtady.
Osyǵan baılanysty eń mańyzdy baǵyttardyń biri – mektep jasynan bastap kóp tildi oqytýdy damytý bolyp otyr. Qazirgi kezde 200-deı balabaqsha iriktelip alyndy. Olar tilderdi erte oqytý boıynsha eksperıment alańy bolmaq», – degen mınıstr qazirgi zamanǵy mýltımedııalyq tehnologııalar men damytý oıyndaryn jáne oqytý baǵdarlamalaryn jańa deńgeıge kóterý kerektigin de atap kórsetti. Ras, balabaqsha jasynan bastap úsh tildi qatar úıretýge jurttyń bári qulap otyrǵan joq. Oǵan qarsy ýáj aıtýshy ǵalymdar da joq emes.
Mınıstr balabaqshalardaǵy jaǵymsyz qubylystardy da tizip shyqty. Iаǵnı, balalardy ornalastyrý kezinde jasyryn aqsha suraý, balalardyń sanyn ósirip jazý sııaqty keleńsizdikter oryn alýda.
Elimizdiń 2015 jyldan bastap kezeń-kezeńmen on eki jyldyq oqytý júıesine kóshetini belgili. Bul oraıda qandaı jumystar atqarylyp jatyr? Árıne, eń aldymen, mektepterde úsh aýysymmen oqytýdy boldyrmaý jáne apatty mektepterdiń sanyn azaıtý máseleleriniń ózektiligi baıqalady. Mınıstr óz baıandamasynda oqýshylar ornynyń tapshylyǵy (73,5 myń) men apatty mektepterde jóndeý jumystaryn aldyn ala júrgizý qarastyrylmaǵanyn, jergilikti jerlerden qarajat izdeý baıaý júrip jatqanyn tilge tıek etti. Soǵan qosa shaǵyn jınaqty mektepterge qoldaý kórsetý máselesi de atap ótildi. О́ıtkeni, respýblıka boıynsha shaǵyn mektepterde oqýshylardyń 15 paıyzy ǵana bilim alǵanymen, sol mektepter elimizdegi jalpy mektepter sanynyń 56 paıyzyn quraıdy eken. Ol mektepterdi damytý úshin jergilikti organdarmen birlesip, bilikti pedagogtardy irikteý, olardy yntalandyrý, jaǵdaı jasaý máseleleri qozǵaldy.
Baıandamashy pedagog mártebesin kóterýge qatysty birqatar oılarymen bólisti. Tıisti eńbekaqyny ósire otyryp, muǵalimderdiń biliktiligin arttyrý júıesin de túbegeıli qaıta ózgertý kerektigine nazar aýdaryldy. Elimizde Nazarbaev zııatkerlik mektebinde Kembrıdj tehnologııalary boıynsha úsh aılyq kýrstyń jumys bastaǵany, kýrstan ótý úshin muǵalimderdiń múldem jańa tásilderdi meńgerýge daıyn bolýy qajettigi, sonyń negizinde muǵalim mansabynyń jańa modeli usynylýy tıistigi baıandaldy. «12 jyldyq oqytýǵa kóshýge baılanysty bilim berý mazmuny da barynsha ózgeredi. Elbasy bilim berýge álemdik praktıkanyń aldyńǵy qatarly jetistikterin kiriktirýdi aıqyndaǵan bolatyn. Munda Nazarbaev zııatkerlik mektebiniń tájirıbesin taratý mańyzdy ról atqarady. Taǵy bir mańyzdy baǵyt – adam ómiriniń jappaı kompıýtrlenýi. Osynaý jahandyq úrdis balalarymyzdyń ómirine ınternet, áleýmettik jeliler arqyly enýde. Jańa kommýnıkasııalyq tehnologııalar jańa aqparatqa qol jetkizýge múmkindik berip qana qoımaı, adamdardyń oılaý júıesin de ózgertetini belgili. Bizdiń balalarymyz sandyq aqparat aıdynynda erkin júzýde. Biraq balalardan qalyp qoımaýǵa barlyq muǵalimderdiń shamasy jete me? О́kini
