Qazaqstan • 19 Naýryz, 2020

Karantınge qarýly kúshter jumyldyryldy

325 ret kórsetildi

Qazaqstanda COVID-2019 koronavırýsynyń taralýyna jol bermeý maqsatynda Nur-Sultan jáne Almaty qalalarynda engizilgen karantın sharalaryna Qazaqstan áskeri jumyldyryldy. Bul qadam el Prezıdenti – Joǵarǵy Bas qolbasshy Qasym-Jomart Toqaevtyń tapsyrmasyna sáıkes jasalyp otyr.

Búginde elimizdiń Qarýly Kúshteri birqatar keshendi is-sharalardy qolǵa alyp, júktelgen tapsyrmany oryndaýǵa kirisip ketti. Asa mańyzdy memlekettik jáne áskerı nysandardyń kúzeti kúsheıtildi. Áskerı qyzmetshiler Ulttyq ulan jáne polısııa bólimshelerimen birlesip qoǵamdyq tártipti qamtamasyz etý maqsatynda patrýldik jumystarǵa qatysýda.

Karantın aımaǵy sanalatyn Nur-Sultan jáne Almaty qalalaryndaǵy baılanys jáne qıylys pýnkterinde áskerı desant sarbazdary men bitimgershilik polkteri táýlik boıy qyzmet etedi. Osy maqsatta kelisimshart boıynsha qyzmet etetin, arnaıy daıarlyqtan ótken, osyndaı is-qımyldarda tájirıbesi mol áskerı qyzmetshiler tartyldy.  

Radıasııalyq, hımııalyq jáne bıologııalyq qorǵaý bólimsheleriniń daıyndyǵyna erekshe kóńil bólinýde. Zaqymdaný qaýpi bar aýmaqtar men nysandardy óńdeý úshin jasaqtar quryldy. Dezınfeksııalaýǵa qajet reagentter qory bar stansııalar (ARS-14KZ) ázirlikke keltirildi. Jergilikti nysandardy zararsyzdandyrý maqsatynda gazdan tazartý jıyntyqtaryn (IDK-1) qoldaný josparlanyp otyr.

Qorǵanys mınıstrliginiń jedel shtaby jergilikti bılik organdarymen, ishki ister jáne densaýlyq saqtaý organdarymen úzdiksiz jumys jasaýda. Osyǵan deıin bastalǵan sanıtarlyq-epıdemıologııalyq sharalar men men áskerı qyzmetshilerdiń qaýipsizdigin turaqttandyrý pýnktterindegi mindetter odan ári jalǵasady.        

Merzimdi áskerı qyzmetke shaqyrylǵandar karantınde bolǵandyqtan, arnaıy tapsyrmalardy oryndaýǵa qatyspaıdy. Olarǵa seıilge shyǵýǵa, týystary jáne dostarymen qarym-qatynas ornatýǵa shekteý qoıyldy.

 

Sońǵy jańalyqtar

Dollar qymbattady

Qarjy • Búgin, 10:59

Elordada áýe shary qulady

Oqıǵa • Búgin, 10:37

Qarjy mınıstriniń orynbasary taǵaıyndaldy

Taǵaıyndaý • Búgin, 10:24

EQYU Bas hatshysy Qazaqstanǵa keledi

Parlament • Búgin, 09:31

Beısenbige arnalǵan aýa raıy boljamy

Aýa raıy • Búgin, 09:00

Uqsas jańalyqtar