Úlken kisilerdi, balalar úıi tárbıelenýshileri men arnaýly aýrýhanalardaǵy naýqastardy qajetti zattarmen úzbeı qamtamasyz etýge basa kóńil bólgen jón dedi Elbasy.
«Elimizdiń kómekke muqtaj árbir azamatyna qamqorlyq kórsetilýge tıis. Qazaqstandyqtar qıyn kezeńderde árdaıym bir-birine járdemdesken. Bul iske eriktiler qozǵalysynyń ókilderi de atsalysady dep senemin» dedi N.Nazarbaev.
Sondaı-aq Elbasy biz pandemııamen kúrestiń aldyńǵy shebinde júrgen dárigerler men medbıkelerdi, quqyq qorǵaý organdary men áskerı qyzmetkerlerdi qoldaýymyz kerek ekenin eske saldy.
«Olardyń ıyǵyna aýyr júk túsip, zor jaýapkershilik artylyp otyr. Jurtshylyqtyń olarǵa kómektesip, túsinistik tanytýǵa jáne barlyq nusqaýyn jaýapkershilikpen oryndaýǵa tyrysqany jón» dedi Tuńǵysh Prezıdent.
