Iаǵnı Pekınde – 6, Gýandýn provınsııasynda – 14, Shanhaıda – 8, Fýszıan provınsııasynda – 3, Heılýnszıan, Lıaonın, Chjeszıan, Shandýn, Sychýan, Gansý provınsııalary men Tıanszın qalasynda, Gýansı-Chjýan avtonomdy aımaǵynda bir-bir oqıǵa oryn alypty. Shet memleketterden kelip, qanynda vırýs anyqtalǵan azamattardyń jalpy sany búginde 228-ge jetti.
Epıdemııa oshaǵyna aınalǵan Hýbeı provınsııasy men Ýhanda bir táýlik ishinde barlyǵy 703 adam emdelip, eki adamnyń ómirden ozǵany aıtylýda. Onyń ekeýi de Ýhanda oryn aldy. Úshinshi adamnyń ólimi Lıaonın provınsııasynda tirkeldi.
COVID-19 etek jaıǵaly beri Hýbeı provınsııasynda barlyǵy 67800 adam aýrý juqtyrypty. Sonyń 50000-nan astamy Ýhan turǵyndaryna qatysty bolyp otyr. Alaıda 58381 adamǵa em qonyp, dertinen aıyqsa, 3132 adam (Ýhanda 2498 adam) ajal quryǵyna ilindi. Búginde atalǵan provınsııada shamamen 6287 adam dertpen kúresýde. Olardyń 2098-i aýyr jaǵdaıda.
Bir ǵana Gonkongtiń ózinde vırýs juqtyrǵandar sany 208-di alqymdady. Sonyń ishinde 98 adam aıyqqany aıtylsa, 4 adam ómirden ozǵan kórinedi. Al Makaoda indetke shaldyqqandar sany 17-ge jetti. Olardyń 10-y emdeldi degen málimet bar. Taıvanda 108 adamnyń boıynan vırýs tabylyp, 1 adam kóz jumdy. 26 adam emdeldi.
