Japonııanyń Nara qalasynyń turǵyndary tabıǵattyń kez kelgen qolaısyz jaǵdaılarynyń ózin kóterýge bar. Muny Reseıdiń «ORT-Birinshi arna» televıdenıesi kórsetken bir habar anyq baıqatady.
Atalmysh qala jurty qazirgi kúnderi jer betinde óte az qalǵan teńbil buǵylardy óz úılerinde ustaıdy. О́zdeirne jasalyp otyrǵan jaqsy jaǵdaılar men eshbir shekteýdiń joq ekenin sezingen janýarlar kúni boıy qala kóshelerin kezip júretin ádet tapqan. Bul jol boılarynda keptelekterdiń jıi oryn alýyna aparyp soqtyryp otyr.
Shynynda da bul qalada buǵylarǵa qarsy eshbir zań joq. Sondyqtan magıstral boıynda uıyqtap jatqan kezderinde olardy eshkim de qýa almaıdy. Demek, aınalyp ótý kerek.
Másele mynada, bul jerdiń turǵyndary myń jyldan beri osy erejeni berik ustanyp kele jatyr. Halyq arasyna keńinen taraǵan ańyzdardyń biriniń aıtýynsha, mıfıologııalyq buǵy barlyq asha tuıaqty janýarlardyń arǵy tegi bolyp sanalady. Ony jer betine Japonııanyń birinshi ımperatory túsiripti-mis. Munda buǵyǵa qatysty ruqsat etiletin bir ǵana nárse – oǵan kerekti azyqty satyp alyp, jaqsylap toıdyrý ǵana. Qalǵan jáıtterdiń birde-birine ruqsat joq.
Murat Aıtqoja.
