Álemniń adam ólimi men ómirin zertteýshi bir top dárigerleri endi ólip bara jatqan adamnyń táni ústine janynyń qalaı shyǵyp turatynyn ózderinshe dáleldep shyqty. Bul týraly The Sunday Times gazetiniń siltemesine súıengen Inopressa.ru habarlady.
Dárigerler muny «o dúnıeden oralǵan adamdardyń» kóńil tolqýynan paıda bolatyn qubylys dep eseptep otyr.
«О́lip bara jatqan pasıentterdiń elektroensofalogrammasyn zertteý onyń óler aldynja elektrlik belsendiliginiń arta túsetinin kórsetti», - deıdi osy oraıda maqala avtory Djonatan Lık.
Ǵalymdar bul kóterilýdi klınıkalyq ólimdi bastan keshken kisilerdiń teskentaý asyp, jaryqqa kezigetin, óz denesiniń ústinde qalyqtap turatyn qalyptary olardyń ólimge baılanysty qatty tolqýǵa túsýinen týyndaıtyn jumbaq medısınalyq qubylystan paıda bolady dep paıymdaıdy.
«Mundaı sezim men kóńil-kúıdi dinı nanym-senimdermen baılanystyra qaraıtyn jurttyń kópshiligi osydan aldaǵy shyn dúnıe týraly teorııanyń rasqa aınalǵany retinde qabyldaıdy», delingen budan ary maqalada.
«Biz ólim halindegi mundaı ahýaldardy mıǵa aýa jetpeı jatqan kezde sýyrylyp shyǵatyn elektr qýatynyń kóterilýimen túsindirýge bolady dep oılaımyz», deıdi Vashıngtondaǵy Djordj Vashıngton ýnıversıteti medısınalyq ortalyǵy jansaqtaý bóliminiń dárigeri Lakhmır Chavla.
«Qan aınalymy baıaýlaǵan kezde otteginiń de deńgeıi túsedi, sonyń sońynda mıdyń kletkalary sońǵy elektr dúmpýin berip qalady. Ol mıdyń bir bóliginen bastalyp, qalǵan jaǵyna kóshkin tárizdenip taraı bastaıdy. Osy sát adamdarǵa tiri jannyń mentaldy sezinýin bere alady», dep túsindiredi ol muny.
Chavlanyń Journal of Palliative Medicine jýrnalynda jaryq kórgen zertteý jumysy ólim tóńireginde naqty fızıologııalyq túsindirme bergen birinshi irgeli eńbek bolyp tabylady.
Murat Aıtqoja.
