Onyń aıtýynsha Reseı astanasy Máskeýden ushyp kelip Aqtóbe áýejaıyna qonǵan ushaqtyń salonynda ekıpaj múshelerin qospaǵanda elý segiz jolaýshy bolǵan. Sol sátte olardyń bári test tásili boıynsha tekserýden ótkizilgen kezde bir áıel adam koronavırýs dertin juqtyrǵan degen kúdikpen erekshelenip, test nátıjesinde bul jaǵymsyz jáıt tolyǵymen rastaldy. Budan soń turǵylyqty meken-jáıi Aqtóbe bolyp tabylatyn áıel- azamatsha oblys ortalyǵyndaǵy provızorlyq gospıtalge jetkizilgen. Qazirgi kezde naýqastyń jáı-kúıi qalypty deńgeıde dedi gazet tilshisine odan ári Á.Qalıev. Buǵan qosa aǵzasynda koronavırýs belgisi tabylǵan aqtóbelik áıelmen birge ushyp kelgen 56 jolaýshy da testiden ótkizilgen soń provızorlyq gospıtalge aparylyp oqshaýlanǵan.
Taýarlar men qyzmet kórsetý sapasyn baqylaý jáne qaýipsizdikti saqtaý jónindegi Aqtóbe oblystyq departamentiniń basshysy Nursulý Berkimbaeva qazirgi kezde olardyń jáı-kúıi qanaǵattanarlyq jaǵdaıda ekenin jetkizdi. Sondaı-aq onyń aıtýynsha ushaq salonyndaǵy jolaýshylardy arnaıy ázirlengen ortalyqqa ornalastyrǵan salalyq qyzmetkerlerdiń bári de tıisti tártip boıynsha oqshaýlanyp, gospıtalge jatqyzylǵan.
Tikeleı efırge qatysqan jaýapty tulǵalar tutastaı alǵanda qazirgi kezde Aqtóbe oblysynda sanıtarlyq-epıdemıologııalyq jaǵdaı qalypty ekenin málimdedi. Aqtóbe qalasy korantınge jabyla ma? Degen BAQ ókilderi tarapynan qoıylǵan saýalǵa olar. Bul saýalǵa jaýap qaıtarý tikeleı óz quzyrlary men ókilettiligine kirmeıtinin, áıtse de ázirge mundaı jaǵdaı kútilip otyrmaǵanyn, ári oǵan negiz joq ekenin aıtyp berdi.
Tikeleı efırde jasalǵan basty túıin budan keıingi kúnderi óńirde baqylaý men saqtandyrý sharalary barynsha kúsheıtiletini turǵysynan órbidi.
AQTО́BE
