Nur-Sultan qalasy ákimdiginiń málimetinshe, Qazaqstan astanasynyń aýmaǵyna kirý(shyǵý) ótkizý-tekserý beketteri arqyly kelesi qujattar bolǵan jaǵdaıda ǵana júzege asyrylady: alyp júrýshiniń jeke kýáligi men tólqujaty, taýardyń (azyq-túlik, qurylys materıaldary, dári-dármek pen temeki ónimderi) taýar-kóliktik júkqujaty.
Sonymen qatar, kiretin (shyǵatyn) tulǵalardyń ózderimen birge jeke sanıtarlyq qorǵanys quraldary bolýy tıis: sanıtaızer men gıgıena quraldary (qosymsha maska men rezeńke qolǵap); qosymsha jeke sanıtarlyq qorǵanys quraldary (maska, halat, rezeńke qolǵap).
Oǵan qosa, Jadynamada kórsetilgendeı, qala aýmaǵyna taýar jetkizý kelesi merzimge deıin júzege asyrylýy kerek: qurylys materıaldary men azyq-túlikke jatpaıtyn taýarlar túngi ýaqytta saǵat 22:00 men tańǵy 05:00-ke deıin; azyq-túlik taýarlary, temeki buıymdary men dári-dármek ónimderi- táýlik boıy. Budan bólek, astanaǵa uzaq merzimge kelgen kólik quraldary esepke alynady. Júk kólikterine shtabtyń kelisiminsiz júrip-turýǵa ruqsat berilmeıdi. Qala aýmaǵyna kólik quraldaryn ótkizýge arnalǵan ótinim úlgisi tómende kórsetilgen.
