Iаǵnı bala ataýly úıde otyr, ata-anasynyń qasynda. О́z perzentine bar jaqsylyqty tileıtinder úshin bul balanyń kitap oqýǵa qumarlyǵyn, izdenimpazdyǵyn, dúnıetanymyn keńeıtýge talpynýy men durys aqparatty tańdaýyn qalyptastyrý, qoǵamda teris aǵymnyń yqpalyna túsip qalmaýyna yqpal etý múmkindigin eseleı túser sát. Osy oraıda aıtysker aqyn, «Otyrar» kitaphanasynyń dırektory Anar Japparqulova kópshilikti balany kitap oqýǵa kóbirek baýlýǵa jáne eń bastysy kórkem ádebıettisúıýge kómektesýge shaqyrady.
— Meniń egiz uldarym birinshi synypta oqıdy. «Synypta bárinde sotka bar, bizde ǵana joq» dep shaǵymdanady. Olar kúnine júz suraq qoısa, men júzine de jaýap beremin. Sebebi, olardyń dúnıetanymy – názik másele. Ata - ana jan-jaqtybolýy tıis. Balamdy men tárbıelemesem, kóshe tárbıeleıdi. Bala almaǵan aqparat – vakýým. Vakýým eshqashan bos turmaıdy. Ony siz toltyrmasańyz, qoqyspen tolýy yqtımal. Shetelde «Sen aqyldy bolsań, nege aqshań az?» degen túsinik bar. Keıingi býyn aqsha tabý úshin ómir súrmeı, ómir súrý úshin aqsha tapsa eken. Bul eki jolda óz isin jaqsy kóretin, adal joldan taıqymaıtyndar utymdy nusqany tańdaıdy. Adam rýhanı baı bolsa, aqshaǵa táýeldi psıhologııa týyndamaıdy. Materıaldyq qundylyq pen moraldyq qundylyqty ajyrata alady. Qazirgi jastar qandaı kitap oqıdy? Adamdar depressııada júrgendikten, psıhologııalyq kitaptar oqıdy. Materıaldyq baıýǵa, aqshany qalaı jumsaýǵa negizdelgen kitaptardy oqyǵansha, kórkem ádebıet oqylsa eken. Ǵalymdardyń adam ózine unaıtyn kitapty oqyǵanda, kúızelis faktorlary seıilip, qorshaǵan orta áserin basqa áserge almastyrýǵa múmkindik týatynyn dáleldegeni málim. Iаǵnı búgingideı tótenshe jaǵdaıda kúızeliske jol bermeý mańyzdy. Qazirgi jastar óte aqyldy, bilimdi. Olardyń tańdaý erki men talǵamyn qalyptastyrý kerekpiz, – deıdi Anar Japparqulova.
Túrkistan oblysy
