Qazaqstan ǵalymdary men tarıhshylar aldaǵy ýaqytta arnaıy ekspedısııa uıymdastyryp, mádenı muralardy keshendi túrde zertteýdi qolǵa alady. Aldymen orta ǵasyrda Uly Jibek jolynyń soltústik tarmaǵy bolǵan mańǵystaý oblysy jerindegi Qyzylqala men Ketikqala oryndaryna qazba jumystaryn júrgizedi. Bul týraly «Habar» telearnasy habarlady.
Mańǵystaý túbegindegi Qyzylqala men Ketikqalaǵa osydan 3-4 jyl buryn arheologııalyq zertteý jumysy júrgizilip, ol tolyqtaı aıaqtalmaı qalǵan edi. Qyzylqalaǵa keletin bolsaq, bul qalashyq XII ǵasyrda baý-baqshaly iri saýda ortalyǵy bolǵan. Al XIII ǵasyrda Shyńǵyshan Orta Azııanyń mádenı oshaqtaryn qıratyp, negizgi saýda joldary ústirtke kóshirilgen kezde, Qyzylqaladaǵy tirshilik te joıylady. Ǵalymdardyń paıymdaýynsha, bul qalashyq áıgili Mańǵyshlaq shaharynyń orny bolýy múmkin. Ketikqalany da arheologtar anyqtaǵan eken. Bul meken XIII-XIV ǵasyrlarda saýda porttarynyń biri bolǵan. Ony XIV ǵasyrdyń ekinshi jartysynda jasalǵan Venesııadan kelgen kópestiń syzba kartasy dáleldeıdi. Endi osy oryndarǵa elimiz arheologtary tezdetip ǵylymı zertteý jumystaryn júrgizgeli otyr. О́ıtkeni, qundy jádigerlerden kóz jazyp qalýymyz múmkin.
Danııar Túımebaı.
