Aımaqtar • 25 Naýryz, 2020

Kúmis teńge kómbesi tabyldy

890 ret

kórsetildi

1 mın

oqý úshin

Otyrar qala jurtynda 2016 jyly XV-XVI ǵǵ. tán meshit qurylysynyń jalǵasyn anyqtaý maqsatynda arheologııalyq qazba jumysy júrgizilgen bolatyn. Sol kezde XV-XVI ǵǵ. tán qurylys oryndarynyń qaldyqtary anyqtalyp zertteldi.

Egemen Qazaqstan

Aǵymdaǵy jyly júrgizilip jatqan qazba nátıjesinde osy oryndy XIII-XIV ǵǵ. deńgeıine túsirý, shartty túrde Berdibek saraıy atalyp otyrǵan keshenniń soltústik-batys bóligin anyqtaý maqsatynda jumystar jalǵasyn tapty. Qazba jumysy barysynda XVI ǵasyrǵa tán turǵyn úı qurylysynyń qaldyqtary anyqtalyp zertteldi. Bul jerde nazar aýdaratyn jaıt, joǵarǵy qurylys qaldyqtarynyń saqtalýy nashar. Turǵyn úılerdiń tasnaýa, tandyr, jeroshaq sekildi negizgi nysandary ǵana saqtalyp otyr. Qazba jumysyn ári qaraı jalǵastyrý maqsatynda joǵarǵy qurylys qaldyqtary tolyǵymen sıpattalyp, sýretteri men syzbalary túsirilip, alynyp tastaldy. Qazba jumysy barysynda bos topyraq arasynan syrly-syrsyz keramıka synyqtary men shyny pastasynan jasalǵan monshaq bólikteri jáne XVI ǵasyrǵa jatatyn 58 danadan turatyn kúmis teńge kómbesi alyndy. Arheologtardyń paıymdaýynsha, kúmis teńgeler Buhar hany Abdolla II-niń tusynda soǵylǵany anyqtaldy. Qazirgi tańda teńgeler tazalaný ústinde.