Qytaıdyń Nankın qalasynda jasóspirimder arasynda ótken II Jazǵy Azııa oıyndary aıaqtaldy. Bul synda bizdiń sportshylar 1 altyn, 4 kúmis, 8 qola medal ıelendi.
Qytaıdyń Nankın qalasynda jasóspirimder arasynda ótken II Jazǵy Azııa oıyndary aıaqtaldy. Bul synda bizdiń sportshylar 1 altyn, 4 kúmis, 8 qola medal ıelendi.
Bıylǵy Azıadada jalǵyz altyn júldeni elimizge stend atýdan jarysqa qatysqan Aleksandr Muhamadıev syıǵa tartty. Odan basqa 17 jasqa deıingi sportshylar qatysqan Azııa oıyndarynda jeńil atletter Ivan Solovev úsh qarǵyp sekirýde, 400 metrge kedergiler arqyly júgirýde Anastasııa Sergeeva, taekvondodan Farıza Aldońǵarova men gandboldan Qazaqstan jasóspirimder quramasy kúmis medalge ıe boldy. Qola júldeni Anatolıı Dýrachenko (dzıýdo), Janar Kashın (dzıýdo), Davıd Poshıvalov (stend atý), Ekaterına Stelıarenko (aýyr atletıka), Ekaterına Dımchenko (júzý), Erasyl Qaıyrbek (taekvondo), Ásııa Daıyr (tennıs), Dmıtrıı Popko (tennıs) aldy.
Qazaqstan 13 medalmen jalpy esepte 13-oryndy ıelendi. Al 2009 jyly Sıngapýrde ótken I jasóspirimder arasyndaǵy Azııa oıyndarynda 4 altyn, 6 kúmis, 4 qola medal ıelenip, jalpy esepte 8-oryn alǵan edi.
Kelesi III jasóspirimder Azıadasy 2017 jyly Shrı-Lankanyń Nambantota qalasynda ótedi.
Dastan KENJALIN,
«Egemen Qazaqstan».
